E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Çfarë të konsumoni para se të flini dhe ushqimet që duhet të shmangni

15 Mars 2024, 07:16, Shëndeti CNA

Çfarë të konsumoni para se të flini dhe ushqimet që

Ka shumë këshilla që të ndihmojnë me një gjumë sa më të shëndetshëm dhe të qetë. Që nga çajrat qetësues e deri te meditimi metodat janë të shumta, por një rol të rëndësishëm ka edhe ushqimi. Këto janë ushqimet që duhet të konsumoni para se të flini:

Banane

Edhe pse zakonisht konsiderohet si një ushqim që jep energji, bananet janë të pasura me magnez, i cili qetëson muskujt. Gjithashtu ato përmbajnë serotoninë dhe melatoninë, dy nga hormonet që nxisin gjumin.

Bajame

Të njohura si burimi më i mirë i yndyrave të shëndetshme, bajamet i japin trupit edhe triptan, edhe magnez. Këto dy substanca qetësojnë muskujt dhe lehtësojnë funksionimin e nervave. Gjithashtu bajamet ndikojnë në rregullimin e ritmit të zemrës.

Mjalti

Vetëm një lugë çaji me mjaltë para gjumit mjafton për të stimuluar çlirimin e melatoninës në tru. Mjalti, falë vetive të tij, ndalon edhe prodhimin e oreksinës, gjë që e ndihmon trupin të çlodhet.

Tërshëra

Një tjetër ushqim i pasur me vitamina, minerale dhe aminoacide, të cilat nxisin gjumin.

Mishi i gjelit

Një nga burimet më të mëdha të triptopanit, por dhe proteinës duke e mbajtur organizmin të ngopur më gjatë. Ndërsa këto janë ushqimet që duhet të shmangni para se të flini:

Djathi

Djathi përmban nivele të larta të tiraminës, një substancë që e bën trurin më alert. Prandaj mundohuni që të mos e konsumoni para se të flini.

Ushqime pikante

Tretja është një problem madhor te shumica e njerëzve. Ne jemi më të ndjeshëm ndaj tretjes jo të mirë kur flemë. Prandaj këshillohet që në darkë të mos konsumohen ushqime pikante, pasi ato nxisin inflamacionin e sistemit tretës duke ia vështirësuar punën.

Ushqimet me yndyrë

Ushqimet e shpejta të fast food-eve nuk janë asnjëherë zgjedhje e mirë, për më tepër disa orë para se të flini. Këshillohet që t’i evitoni, ose të paktën të mos i konsumoni direkt para se të flini.

Kafeja

Ky produkt kuptohet përse nuk duhet konsumuar para se të flini. Kafeina është një nga përbërësit që luan rolin e një simulanti për sistemin tonë duke e mbajtur atë në punë akoma dhe më gjatë./AgroWeb.org