E fundit!

13:54 Aktualitet

Debati për zonat e mbrojtura/ Rasti "Ria Formosa" dhe Revolucioni Portugez i Turizmit

Nga Edi Rama Kur flitet për zhvillimin në zonat e mbrojtu...

Jeta pas goditjes në tru/ Çfarë ndikon në rikuperim, rreziqet më të mëdha

17 Qershor 2024, 08:35, Shëndeti CNA

Jeta pas goditjes në tru/ Çfarë ndikon në rikuperim,

Foto ilustruese

Jeta pas një goditjeje në tru përfshin rreziqe dhe procesi i rikuperimit konsiderohet i nevojshëm. Studimet paraprake të paraqitura në Konferencën Ndërkombëtare të Shoqatës Amerikane të Strokeve të këtij viti, mbi shkencën dhe trajtimin e sëmundjeve cerebrovaskulare dhe shëndetin e trurit nxorën në pah komplikimet e mundshme, faktorët rëndues dhe mënyrat për të parandaluar rreziqet që pasojnë në vitin e parë pas një goditjeje.

Rrezik i dyfishtë i sulmit në zemër

Njerëzit që patën një goditje në tru kishin dy herë më shumë gjasa për të pasur një atak në zemër brenda vitit të parë.

"Gjetjet tona mund të ndihmojnë mjekët të vlerësojnë dhe menaxhojnë rrezikun kardiovaskular pas ngjarjeve të tilla," komentuan studiuesit nga Shkolla e Mjekësisë Warren Alpert e Universitetit Brown, të cilët analizuan të dhënat shëndetësore nga më shumë se 800,000 të rritur të moshës 63 vjeç mesatarisht.

Më parë ishte vetëm spekulim, por ne tani e dimë se diseksioni i arteries karotide ose vertebrale që nuk çon në goditje në tru nuk rrit rrezikun e infarktit; është e arsyeshme që klinicistët të fokusohen në parandalimin e goditjes në tru kryesisht në këtë nëngrup pacientësh," thanë studiuesit.

Vendi i banimit ndikon në rehabilitim

Të mbijetuarit e goditjes në tru që jetojnë në zona me papunësi të lartë, të ardhura të ulëta, arsim të ulët dhe kushte të këqija jetese kanë dy herë më shumë gjasa të kenë një rikuperim të dobët një vit pas goditjes kardiovaskulare krahasuar me ata që jetojnë në kushte më të mira.

"Megjithëse njerëzit me prejardhje të ndryshme socio-ekonomike që kanë pasur një goditje zakonisht tregojnë funksionim të ngjashëm pas shtrimit në spital, rezultatet mund të ndryshojnë në mënyrë dramatike një vit më vonë, " komentoi Leah Kleinberg, BA, e Laboratorit Falcone në Departamentin e Neurologjisë në Shkollën e Mjekësisë Yale.

Studiuesit analizuan të dhënat nga 2,164 njerëz që kishin pësuar një goditje ishemike dhe zbuluan se rikuperimi i dobët dhe paaftësia për t'u kujdesur për veten e tyre kishte 44% më shumë gjasa të ndodhte në zonat me privim të moderuar material dhe social dhe 107% më shumë gjasa në zonat më të privuara.

Më shumë aktivitet fizik

Të jetuarit në lagje me më shumë qendra dhe vende për rekreacion dhe aktivitet fizik shoqërohen me rritje të aktivitetit fizik gjatë vitit të parë pas goditjes në tru, zbuloi një studim me 333 njerëz nga një ekip në Universitetin Shtetëror të Ohajos. Gjetjet treguan se mjedisi i duhur mund të rrisë aktivitetin fizik deri në 57%.

Trefishi i rrezikut të demencës

Një studim i 180,940 të mbijetuarve nga infarkti në Kanada zbuloi një rrezik gati të trefishtë të demencës në vitin e parë pas goditjes. Në pesë vjet, rreziku për çrregullimin neurologjik ishte 1.5 herë më i madh se tek njerëzit pa histori të goditjes.

Pas llogaritjes së faktorëve të rrezikut të demencës si hipertensioni, diabeti i tipit 1 ose 2 dhe kolesteroli i lartë, gjasat për të pasur çrregullim neurologjik në çdo moment u rritën me 80% dhe me 150% nëse kishin pësuar gjakderdhje intracerebrale.

"Gjetjet tona theksojnë rëndësinë e monitorimit të të mbijetuarve nga goditjet për dëmtime njohëse, zgjedhjen e terapive të përshtatshme për të trajtuar faktorët e rrezikut vaskular dhe për të parandaluar goditjet e përsëritura, dhe inkurajimin e pacientëve për të bërë ndryshime në stilin e jetës si ndërprerja e duhanit dhe rritja e aktivitetit fizik, të cilat kanë përfitime të shumta dhe mund të reduktojnë rrezikun e demencës ”, komentoi Raed Joundi./ CNA