web counter
LEXO PA REKLAMA!

SHKARKO APP

App Store
Google Play

E fundit!

x

Ushqimet që dëmtojnë dhe ndihmojnë mëlçinë

16 Qershor 2024, 16:50, Shëndeti Dr. Ilir Allkja
Ushqimet që dëmtojnë dhe ndihmojnë mëlçinë
Foto ilustruese, marrë nga Google

Edhe në qoftë se nuk konsumoni alkool, mëlçia juaj mund të dëmtohet keq!!!

Buka e bardhë, byrekët, pizzat, makaronat, pilafi, ëmbëlsirat si dhe të gjitha ushqimet e pijet industriale mund t'ju dëmtojnë rëndë mëlçinë tuaj.

- Sëmundja e dhjamosjes jo alkoolike të mëlçisë është forma më e zakonshme e vuajtjes kronike të mëlçisë, tipike pa shenja, të cilat nuk shfaqen derisa të përparojë në dëmtime serioze, nganjëherë fatale.

- Shumica e rasteve diagnostifikohen vetëm pasi ju keni kryer analizë rutinë të gjakut për ankesa të tjera shëndetësore.

- Steatoza joalkoolike e mëlçisë është gjithashtu e lidhur ngushtë me sindromin metabolik, i cili përfshin tension të lartë të gjakut, sheqer të lartë në gjak si dhe shtim në peshë.

- Steatoza joalkoolike e mëlçisë është një pararendëse e infarktit të miokardit, diabetit mielit, goditjes në tru dhe dëmtimit të memories.

Dëmtimi nga steatoza joalkoolike mund të shkaktojë fibrozë në mëlçi, e cila më pas mund të çojë në cirrozë dhe në fund vdekje.

Shenjat e steatozës joalkoolike e mëlçisë janë:

- Lodhje kronike.

- Trazime barku, të përziera.

- Zverdhje të lëkurës dhe syve (verdhëz)

- Humbja të oreksit dhe humbje të peshës.

- Enjtje të këmbëve.

- Dobësi të përgjithshme.

-  Konfuzion mendor ose probleme në përqendrim.

Për të patur një mëlçi të shëndetshme dhe një jetë të gjatë e pa vuajtje ju rekomandoj:

- Bëni jetë aktive çdo ditë, ecja në natyrë ju jep shumë më tepër përfitime se sa palestrat e shtrenjta me ajër të mbyllur e ndoshta të kontaminuar.

- Shmangni alkoolin dhe ilaçet e panevojshme

- Ushqim natyral, mënjanoni ushqimet dhe pijet industriale.

Përdorni sa më shumë lakra, lulelakra, brokoli, karrota, limona etj

Pini ujë mbi dy litra në ditë në dimër e mbi 3 litra në ditë në verë.

Për të mbështetur metabolizmin dhe funksionin e mëlçisë, përdorni yndyrnat e mira që gjenden tek peshqit e vegjël; sardelet, acuket, konsumoni ullinj dhe vaj ulliri;  avokado;  arra dhe fara;  proteina të kafshëve të ushqyera me bar.

Shtesat ushqimore gjithashtu mund të trajtojnë një mëlçi të dhjamosur, të tilla si kurkumina, vitamina E, acide yndyrore etj.

Oksigjenoterapia është një mënyrë efikase që përdoret me sukses në fazat e avancuara të steatozës hepatike. Kjo ndikon drejtpërdrejt duke kontrolluar oksidazat hepatike, duke nxitur apoptozën e qelizave hepatike të dala jashtë funksionit duke ulur toksicitetin dhe rritur parametrat biologjikë.





Lajmet e fundit nga