E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Hipoglicemia?/ Kujdesi që duhet të tregoni me nivelin e sheqerit në gjak

27 Janar 2024, 08:40, Shëndeti CNA

Hipoglicemia?/ Kujdesi që duhet të tregoni me nivelin e sheqerit

Foto ilustruese

Diabeti është një sëmundje e rëndë që rrezikon në shumë mënyra shëndetin e njeriut. Për shkak të diabetit, nivelet e sheqerit rriten aq shumë dhe rrezikojnë shumë organe.

Megjithatë , ana tjetër e diabetit ka të bëjë pikërisht me nivelin shumë të ulët të sheqerit në gjak duke shkaktuar atë që njihet si hipoglicemi.

Prania e kësaj të fundit mund të shkaktojë çorientim, dobësi, kontraktime dhe disa raste edhe vdekje të parakohshme.

Sipas ekspertëve, trajtimi intensiv me medikamente dhe insulinë mund të jetë një arsye e fortë për uljen e shpejtë të nivelit të sheqerit në gjak.

Nga një kqyrja e analizave të plot 10.2 milionë diabetikëve nga viti 2011 deri në vitin 2014, ekspertë të ndryshëm kanë mësuar se 2.3 milionë prej tyre e kishin tepruar me medikamentet.

10,000 prej tyre pësuan disa raste të hipoglicemisë si pasojë e terapive për uljen e nivelit të glukozës. Hipoglicemia mund të ndikojë tek personat që vuajnë nga diabeti i tipit 1 (kur trupi nuk prodhon insulinë) dhe tek diabeti i tipit 2 (kur trupi prodhon insulinë por ajo nuk është e mjaftueshme.)

Në 95 përqind të rasteve, njerëzit vuajnë nga diabeti i tipit 2.

Cilat janë nivelet e duhura të sheqerit në gjak

Nivelet normale të sheqerit në gjak variojnë nga 80 në 120 mg/dl para vakteve dhe më pak se 180 mg/dl pas vakteve. Në rastet e hipoglicemisë, nivelet e sheqerit në gjak bien nën 70 mg/dl.

Mungesat e insulinës në treg, rrezikojnë pacientët

Shumë diabetikë në botë nuk arrijnë të trajtohen siç duhet për shkak të mungesës së insulinës. Shkencëtarët parashikojnë se sasia e nevojshme e insulinës për trajtimin e diabetikëve do të rritet me më shumë se 20 përqind deri në vitin 2030.

Në po këtë vit, pritet që numri i diabetikëve të arrijë në përafërsisht 510 milionë njerëz në botë. Nga ana tjetër, ata presin që qasja ndaj insulinës do të vazhdojë të kufizohet duke rrezikuar jetët e miliona njerëzve, sidomos në Azi dhe në Afrikë.

Insulina është një barnë thuajse 100 vjeçare dhe është përshkruar si një nga ilaçet më të mrekullueshme të shekullit të njëzetë. Çmimi i saj vazhdon të mbetet i lartë për një arsye të fortë. 99 përqind e prodhimit global të insulinës, sipas BBC-së, kontrollohet nga tre kompani: Novo Nordisk, Eli Lilly dhe Sanofi.

Kërkesa për insulinë në tregun e zi është tepër e lartë dhe në 10 vjet është rritur me 90 përqind. Çmimi i një shisheje në shumë vende të botës shkon nga 40 dollarë në 130 dollarë.

Në Shtetet e Bashkuara ai mund të arrijë mbi 300 dollarë. Kjo tarifë detyron shumë diabetikë të marrin barnat e nevojshme në Kanada./AgroWeb.org