web counter
LEXO PA REKLAMA!

SHKARKO APP

App Store
Google Play

Ministrja e Shëndetësisë, apel për gripin e stinës/ Qytetarët të kenë kujdes

14 Janar 2024, 20:45, Shëndeti CNA
Ministrja e Shëndetësisë, apel për gripin e stinës/
Ministrja e Shëndetësisë, Albana Koçiu

Ministrja e Shëndetësisë, Albana Koçiu ka dhënë një mesazh një lidhje me situatën shëndetësore në vend nga gripi i stinës.

Me anë të një statusi në rrjetet sociale, Koçiu thotë se gripi i stinës kërkon rritjen e ndërgjegjësimit dhe kujdesit edhe nga ana e qytetarëve.

Ajo deklaron se Urgjenca Pediatrike është në gatishmëri, ndërsa thekson se qytetarët e grupeve të riskuara mund të bëjnë vaksinat në 31 qendra shëndetësore.

“Shërbimi i Urgjencës Pediatrike në QSUNT këto ditë të ngarkuara me raste të gripit të stinës, po punon me kapacitet të plotë dhe është në gatishmëri për çdo urgjencë pediatrike.

Këtë mbrëmje u takova me mjekë dhe infermierë që punojnë në shërbimin e pediatrisë, por edhe me prindër me të cilët biseduam mbi situatën e virozave dhe gripit të stinës, i cili kërkon rritjen e ndërgjegjësimit dhe kujdesit edhe nga ana e qytetarëve.

Për t’i bërë ballë çdo situate dhe shmangur radhën, Ministria e Shëndetësisë dhe Mbrojtjes Sociale ka vënë në funksionim 31 qendra shëndetësore me shërbim 24/7 në të gjithë vendin, ku qytetarët e grupeve të riskuara mund të kryejnë edhe vaksinën kundër gripit si mbrojtja më e mirë dhe më efikase kundër virozave respiratore që shkaktohen si pasojë e tij.

Mirënjohje ekipit të mjekëve dhe infermierëve të cilët shërbejnë me përkushtim dhe profesionalizëm, veçanërisht në këtë periudhë për shkak të qarkullimit të virozave të dimrit”, nënvizon ministrja./ CNA





Lajmet e fundit nga