web counter
LEXO PA REKLAMA!

SHKARKO APP

App Store
Google Play

E fundit!

x

Studimi: 1 në 10 adoleshentë në botë përdorin ilaçe pa recetë për humbjen e peshës

14 Janar 2024, 16:01, Shëndeti CNA

Studimi: 1 në 10 adoleshentë në botë përdorin

Adoleshentët në mbarë botën, veçanërisht vajzat, kanë përdorur barna pa recetë, suplemente dietike dhe produkte të tjera për humbje peshe, sipas një analize të bërë së fundmi, shkruan CNN. 

Bazuar në një rishikim të dhjetëra studimeve gjatë katër dekadave të fundit, studiuesit vlerësojnë se rreth 9% e adoleshentëve kanë përdorur produkte për humbje peshe pa recetë gjatë jetës së tyre, rreth gjysma e të cilëve i kishin përdorur ato në muajin e kaluar.

Pilulat dietike ishin produktet më të zakonshme, të përdorura nga rreth 6% e adoleshentëve gjatë jetës së tyre, e ndjekur nga rreth 4% që përdornin laksativë dhe 2% që përdornin diuretikë.

Këto produkte janë të rrezikshme si për shëndetin fizik ashtu edhe për atë mendor të fëmijëve dhe nuk rekomandohen nga ana mjekësore.

Hulumtimet e mëparshme kanë lidhur përdorimin e produkteve të humbjes së peshës pa recetë me çrregullimet e të ngrënit, vetëbesimin e ulët, depresionin dhe abuzimin me substancat tek adoleshentët.

Ato janë shoqëruar gjithashtu kequshqyerjen në adoleshencë dhe shtimin në peshë në moshë madhore.

Një studim i vitit 2022 zbuloi se shtrimet në spital për çrregullime të të ngrënit tek fëmijët në SHBA u rritën 10 herë më shpejt në vitin e parë të pandemisë Covid-19 sesa në vitet e mëparshme, dhe studime të tjera kanë treguar gjithashtu një rritje të vizitave në departamentin e urgjencës./ CNA





Lajmet e fundit nga