E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Aknet, përse dështon trajtimi?

25 Janar 2024, 11:42, Shëndeti Ilir Allkja

Aknet janë një gjendje komplekse inflamatore dhe infektive të lëkurës, ndikuar nga tre faktorë kryesorë:

- prodhimi i tepërt i yndyrës

- akumulimi i qelizave të vdekura në poret e lëkurës

- rritja e tepërt e baktereve në lëkurë.

Kur bashkohen këta tre faktorë, ndodh një ndryshim në mikromjedisin e lëkurës, duke shkaktuar një reaksion inflamator kronik që rezulton me puçrra dhe probleme të tjera të lëkurës.

Faktorët që ndikojnë në zhvillimin e akneve janë të jashtëm (mjedisorë) dhe të brendshëm.

Faktorët e brendshëm janë:

- mosha

- nivelet e hormoneve

- shtatzënia

- mbipesha

- mungesa e stërvitjes

- histori familjare për akneve.

Faktorë të jashtëm që ndikojnë në shfaqjen e akneve janë:

- Ushqime të caktuara

- Ilaçe të caktuara

- Stresi

- Ndotja e ajrit

- Lagështia e lartë

- Stresi fizik në lëkurë, si shtrydhja e puçrrave, prekja me gishta, me thonj etj.

Një faktor tjetër i rëndësishëm që mund të shkaktojë dhe përkeqësojë aknet tuaja është edhe mikroflora e zorrëve tuaja.

Lidhja mikroflorë-akne

Roli i mikroflorës së zorrëve në patologjinë e akneve ka qenë një temë e hulumtimit aktiv.

Mikroflora e shëndetshme në zorrë dhe lëkura e shëndetshme janë në proporcion të drejtë, dhe kanë ndikim në aspekte të ndryshme të zhvillimit të akneve si dhe shërimit të tyre.

Pacientët e prekur nga aknet zakonisht trajtohen me krem dhe xhel me antibiotikë, antimykotikë, kortisonikë etj., të cilët funksionojnë duke bllokuar poret dhe mund të ofrojnë lehtësim të përkohshëm të simptomave tipike të akneve.

Antibiotikët oralë, si doksiciklina, tetraciklina, minociklina ose eritromicina gjithashtu përshkruhen, me qëllim të vrasjes së baktereve që shkaktojnë inflamacion rreth dhe brenda poreve të bllokuara si dhe dëme madhore në mëlçi, veshka e tru.

Në disa raste, edhe kontraceptivët oralë janë të përshkruar si një mjet për të përpjekur për të rregulluar çekuilibrat hormonalë, por këto ilaçe gjithashtu sjellin efekte anësore të rëndësishme, si nauze, të vjella, ngërçe në stomak ose fryrje barku, diarre, rritje të flokëve në vende të pazakonta, ndryshime në rrjedhën menstruale etj.

Këshilla ime: Mos merrni trajtime nga pseudoestetistë, estetistë, farmacistë, etj.

Kontrollohuni te një mjek dermatolog dhe mos harroni: Larg gishtat nga fytyra!