web counter
LEXO PA REKLAMA!

SHKARKO APP

App Store
Google Play

E fundit!

x

Ermand Mertenika: Njihuni me doktor “GOOGLE”, doktorin më "të famshëm” në botë

6 Prill 2023, 11:26, Shëndeti Ermand Mertenika
Ermand Mertenika: Njihuni me doktor “GOOGLE”, doktorin më
Foto ilustruese

Zhvillimi i teknologjisë ka bërë të mundur që shumica e qytetarëve globalisht dhe kryesisht në Shqipëri kërkojnë informacione për problematika të ndryshme mjekësore në internet.

Siç e dimë, "Google" është databaza dhe megaserverat më të mëdhenj globalë gjatë të cilët posedojnë një gamë të madhe informacionesh në çdo sferë të teknologjisë.

Të kërkosh në "Google" për një problematikë të caktuar mjekësore ka impakt pozitiv dhe negativ.

Të kërkosh në "Google" për një problematike të panjohur, mund të kuptosh elemente të panjohura të patologjive apo sëmundjeve të ndryshme.

Qytetarët kanë fobinë ose frikën psiko-neurotike për të shkuar te mjeku real apo në spital për situatën primare mjekësore, të cilët kanë evidentuar vetë.

Aspekti më negativ ka të bëjë me gamën e informacionit që në "Google" informacionet janë të shumta dhe shkaktojnë një "puzzle" apo skepticizma të problematikave mjekësore.

Të kërkosh në "Google" për problematikat apo patologjitë primare (probleme fillestare dhe të lehta shëndetësore) mund të shkaktojë një impakt psikologjik mjaft madhor p.sh.

Nëse një person ka dhimbje koke e shkaktuar nga ftohja apo lodhja dhe nëse kjo dhimbje koke është e vazhdueshme për pak kohë, të bësh një kërkim në "Google" për këtë fakt mund të marrësh informacione nga më të ndryshmet qoftë joproblematike dhe deri te mundesia e krijimit të një mase tumorale celebrale.

E thënë ndryshe informacionet e kërkuara në "Google" mund të shkaktojnë fenomenin e stresit dhe sic e dimë stresi është sëmundja shtesë më e madhe pasi stresi shkakton gjenerimin e hormonit të kortizolit i cili është hormon mjaft i dëmshëm në organizëm, pra e thënë ndryshe:

“Stresi është incentive apo shkaktari i shfaqjes së sëmundjeve nga më të ndryshme”

Dr. "Google" është i besueshëm, por nëse sëmundja nuk evitohet për një kohë të shkurtër atëherë duhet në mënyrë të menjëhershme të shkohet te mjeku real, qendër shëndetësore, klinike apo qendër spitalore.

Doktor "Google" mund të përkeqësojë sëmundjen.

Nëse një person ka një sëmundje në të cilën nuk po e gjen dot zgjidhjen në doktor "Google" atëherë zgjidhja e vetme është konsulta virtuale mjekësore (telemjekësia) ose konsulta reale mjekësore (klinikë, qendër shendetësore, spital).

Zvarritja e diagnozës ka kosto shëndetësore dhe monetare.

Të kërkosh në doktor "Google" dhe të mos gjesh zgjidhje do të thotë të neglizhosh sëmundjen, e cila mund të përkeqësohet dhe gjithashtu kjo shkakton kosto të lartë mjekësore, kohe dhe monetare.

Të kërkosh në doktor "Google" do të thotë të mbash riskun e shëndetit tënd mbi shpinë.

Duhet të dish të kërkosh në "Google".

Në "Google" ekzistojnë disa faqe globale mjaft të besueshme të cilët krahas informacioneve kanë dhe diskutime midis mjekëve dhe pacientëve ku shpalosen eksperiencat e secilëve për një problem mjekësor qoftë të lehtë apo akut.

Faqe të besuara: "Healthline", "WebMD" ("Web Medical"), "Epokrates" etj.

Këto faqe janë të besuara dhe janë të rankuara të parat në platformën "Google" që do të thotë janë faqe me ndjekshmëri mjaft të lartë.

Pjesë e botës virtuale të internetit është dhe “telemjekësia”, pra është pjesë e doktor "Google", por në rastin e telemjekësisë kemi të bëjmë me një mjek real dhe pacient real ku nëpërmjet internetit mjeku mundohet të diagnostikojë në mënyrë primare pacientin me anë të simptomave.

Mesazhi sensibilizues:

Për të evituar zvarritjen dhe përkeqësimin e diagnozës drejtohuni në mjekun real.





Lajmet e fundit nga