web counter
LEXO PA REKLAMA!

SHKARKO APP

App Store
Google Play

E fundit!

x

Dëmtimet afatgjata të mushkërive pas sëmundjes së COVID-19

29 Gusht 2023, 15:10, Shëndeti Ilir Allkja

Dëmtimet afatgjata të mushkërive pas sëmundjes së

Shumë njerëz që shërohen nga COVID-19 vuajnë nga simptoma afatgjata të dëmtimit të mushkërive, duke përfshirë vështirësi në frymëmarrje, kollë, lodhje dhe aftësi të kufizuar për të ushtruar aktivitete fizike.

Në Shqipëri ende nuk ka ndonjë studim të publikuar nga doktorët e spitaleve universitare, por unë po shkruaj mbi atë që kam hetuar vetë në morinë e rasteve që kam ndjekur para dhe pas daljes nga spitali.

Rreth 1/4 e pacientëve që kanë qenë shtruar në spitale për sëmundjen e COVID-19, përjetojnë shqetësime afatgjata.

D.B. 42 vjeç, nga Durrësi u shtrua në spitalin COVID-1 të QSUT-së me COVID-19 në prill 2020.

Në një bisedë miqësore rreth 20 muaj pasi ka dalë nga spitali, personi në fjalë më tha:

- Para se të sëmuresha nga COVID-i, isha njeri shumë aktiv, punoja tërë ditën, për 10-14 orë në ndërtim. Tani kam dobësi, nuk punoj dot më shumë se sa katër orë në ditw, dhe më duhet ta ndërpres shpesh aktivitetin.

Dobësia, kolla, humbja e memories, konfuzioni më shoqërojnë çdo ditë, më thotë 42-vjeçari.

Megjithëse kam përdorur shumë antibiotikë, më listoi disa doktorë nga Tirana e Durrësi, që e kishin vizituar, unë nuk kam përmirësim të dukshëm, vazhdon të tregojë 42-vjeçari.

Unë si mjek kam takuar shumë persona të moshave dhe gjinive të ndryshme me probleme që vazhdojnë gjatë, edhe pse kanë kaluar muaj prej sëmundjes, dhe kjo është shkatërruese për një pjesë të tyre, pasi humbasin punën, nuk kryejnë dot detyrat e ditës, kthehen në barrë për familjen, të afërmit etj.

Është ende e paqartë se si dhe pse virusi bën që disa njerëz të vuajnë nga efektet afatgjata të mushkërive pas infeksionit COVID-19, por ne, dimë t'ju ndihmojmë që të rindërtoni sistemin tuaj imunitar të shkatërruar nga virusi dhe antibiotikët.





Lajmet e fundit nga