web counter
LEXO PA REKLAMA!

SHKARKO APP

App Store
Google Play

Zgjedhjet vendore/ Zbulohet emri i kryebashkiakut socialist që nuk do të ketë një tjetër mandat

28 Shtator 2022, 19:04, Politikë CNA

Zgjedhjet vendore/ Zbulohet emri i kryebashkiakut socialist që nuk do

Drejtuesi politik i qarkut të Vlorës, Blendi Klosi, ka deklaruar se një nga kryebashkiakët që nuk do të ketë sërish besimin e socialistëve është Dritan Leli.

I ftuar në emisionin "Studio Live", Klosi tha se do të ketë ndryshime në këtë bashki por nuk dha më tepër detaje.

Ai u shpreh se duke parë situatën ën Vlorë dhe deklaratat e Kryeministrit Edi Rama, është mëse e majftueshme për të kuptuar që në Vlorë do të ketë ndryshime.

“Situata në Vlorë, është një ndarje e gjithë strukturës së parties, me një problematikë që erdhi duke u agravuar. Distancimi publik i Edi Ramës dhe PS është mjaftueshmërisht për të kuptuar që në Vlorë do ketë ndryshim. Në Vlorë do kemi ndryshim. Nuk kam emra se kush do jetë kandidat apo kush s’do jetë kandidat” tha Klosi.

Ndër të tjera zbuloi se Erion Veliajt do ribesohet sërish kandidimi për Tiranën, duke shtuar se ka mbështetjen e të gjithë socialistëve.

“Tirana është shembulli më i plotë i gjithë këtyre që ne folëm për mënyrën sesi kemi reaguar, qeverisur. Bashkëpunim i suksesshëm nëpërmjet qeverisë qendrore dhe lokale. Siç e ka thënë edhe kryeministri Edi Rama nuk ka arsye që të mos jetë rikandidat për bashkinë e Tiranës dhe padyshim të gjitha sondazhet e nxjerrin fitues i thellë i kësaj bashkie dhe do të ketë mbështetjen e të gjithë socialistëve dhe qytetarëve”, tha Klosi.





Lajmet e fundit nga