web counter
LEXO PA REKLAMA!

SHKARKO APP

App Store
Google Play

“E vërteta nuk çan dot ku sundon gënjeshtra”/ Rama flet për distancimin nga Ahmetaj

28 Shtator 2022, 13:32, Politikë CNA

“E vërteta nuk çan dot ku sundon gënjeshtra”/ Rama

Kryeministri Edi Rama është pyetur se përse PS po distancohet nga Arben Ahmetaj?

Rama ka mohuar të ketë një distancim. Sipas tij këto janë thjesht përralla.

“Këto janë ato përrallat që thashë dhe dje. Jeni në të drejtën tuaj të tregoni përralla. Është e drejta juaj, nuk di çfarë të them. Zoti i paftë të gjithë dhe Zoti u kujdestë për të gjitha. E vërteta e ka të vështirë të çajë në këtë botë ku sundon gënjeshtra. Njerëzit që janë besnikë e kanë të vështirë të qëndrojnë qetësisht në këtë botë, ku të gjithë tregojnë një përrallë për çdo qëllim. Ne kemi të drejtë të bëjmë lëvizje administrative. Njerëzit janë aty, kanë lëvizur, lëvizin”, është shprehur Rama.

Gazetarët kanë këmbëngulur sërish në këtë çështje, duke pyetur se ku ka gabuar Ahmetaj.

“Se si organizohet një skuadër është e drejta e skuadrës dhe jo e drejta e spektatorëve. Rezultatet do tregojnë. Pse duhet të ketë bërë diçka patjetër dikush që të lëvizë nga një pozicion. Për të dhënë maksimumin në një betejë të re, bëhen organizime të reja. Organizimi bëhet për zgjedhjet lokale”, është shprehur Rama./CNA.al





Lajmet e fundit nga