web counter
LEXO PA REKLAMA!

SHKARKO APP

App Store
Google Play

E fundit!

x

Denoncon Belind Këlliçi/ Abuzimi në shkollën e mesme profesionale në Bushat

28 Shtator 2022, 13:53, Politikë CNA
Denoncon Belind Këlliçi/ Abuzimi në shkollën e mesme
Deputeti i Partisë Demokratike, Belind Këlliçi

Deputeti i Partisë Demokratike, Belind Këlliçi, ka denoncuar nga Bushati abuzimin në shkollën e mesme profesionale.

Këlliçi tha se në këtë shkollë numri i nxënësve që e ndjekin mësimin ka rënë me 80%, ndërsa numri i punonjësve është rritur me 50%.

Sipas tij, të punësuarit në shkollën e Bushatit janë familjarë të kryetarit dhe zyrtarëve të tjerë të bashkisë së Vaut të Dejës.

“Sot Shqipëria ndodhet në një situatë kur të rinjtë largohen nga vendi. Shkollat më të mira po mbyllen. Edhe në zona të thella të Shqipërisë kur institucionet janë themeluar me fonde të KiE, ato shkojnë drejt mbylljes për shkak se vidhen paratë që dedikohen për nxënësit.

Në këtë institucion numri i nxënësve që e ndjekin ka rënë me 80%, ndërsa numri i punonjësve është rritur me 50%. Ato para që shkojnë për bursa dhe trajtimin e nxënësve vidhen. Bursa shkon në xhepin e kryetarit dhe nënkryetarit të bashkisë së Vaut të Dejës. Kanë arritur në pikën sa vjedhin para për lekë kafeje. Të afërmit e kryetarit të bashkisë janë punësuar faktikisht. Problemi që ndodh sot është që fondet e MF shkojnë në fondet e bashkisë”, u shpreh ai.

Gjithashtu, deputeti ngriti akuzat se në këtë shkollë jepen bursa për nxënës që nuk shkojnë fare.

“Kemi një drejtësi që vepron me dy standarde. Bursa e nxënësve që nuk vijnë fare në këtë shkollë vidhet nga zyrtarët e kryetarit të bashkisë. Familjarë të tre nxënësve të ndryshëm tregojnë se kanë mbi një vit që kërkojnë të marrin bursat për fëmijët e tyre, por nuk marrin asnjë përgjigje nga bashkia. Bashkia e Vaut të Dejës është një nga zonat më të prekura sa i përket fenomenit të emigracionit. Unë kam ardhur nga Tirana këtu, është se ata nuk marrin përgjigje dhe nuk marrin drejtësi.

Ka ardhur momenti që zëri të ngrihet në çdo cep të Shqipërisë. Shqipëria sot është në luftë për të mbajtur më të mirët në vendin e tyre. Ne do të depozitojmë sot edhe listëprezencat e nxënësve që bëhet në mënyrë fiktive. Ky është një problem shumë i madh. Kjo aferë tregon makutërinë e drejtuesve të Bashkisë së Vaut të Dejës. Flasim për një qark që nuk ka investime nga qeveria dhe kryeministri. Është qarku më i diskriminuar.

Kam një mesazh për çdo të ri, na dërgoni fakte dhe denoncime dhe ne do të jemi zëri juaj. Ditët e kësaj qeverie janë shumë herë më të shkurtra. Ne do të luftojmë përditë me greva, protesta dhe denoncime për të larguar një qeveri që vetëm për qytetarët nuk punon”, theksoi Këlliçi./ B.A. – CNA.al





Lajmet e fundit nga