web counter
LEXO PA REKLAMA!

SHKARKO APP

App Store
Google Play

Projektligji për lustracionin/ Bylykbashi: Do të zgjidhë çështjen e dosjeve

28 Shtator 2022, 14:01, Politikë CNA
Projektligji për lustracionin/ Bylykbashi: Do të zgjidhë
Nënkryetari i Partisë Demokratike, Oerd Bylykbashi

Nënkryetari i Partisë Demokratike, Oerd Bylykbashi, dorëzoi pak më parë në Kryesinë e Kuvendit projektligjin për lustracionin.

I shoqëruar nga deputetet Albana Vokshi dhe Ina Zhupa, Bylykbashi tha se për mediat se ky ligj do të zgjidhë çështjen e dosjeve për të gjithë shqiptarët.

“Ne e depozitojmë me qëllim që funksionet drejtuese të shtetit shqiptar dhe një seri institucionesh të rëndësishme, drejtuesit e aparatit të dhunës në Sigurimin e Shtetit, bashkëpunëtorët e Sigurimit dhe drejtuesit e Partisë së Punës të mos kenë më funksione në politikë. Ky ligj i shkon deri në fund problemit dhe bazohet tek eksperienca e mëparshme dhe ligji i vitit 2008.

Ne gjykojmë që përputhshmëria është e plotë, sepse është e njëjta bazë kushtetuese që u përdor për të larguar kriminelët nga politika. Pra, baza kushtetuese është e re, është një nen kushtetues dhe është ligj që do të miratohet me 3/5 dhe kemi marrë parasysh ndarjen e pushteteve dhe garancitë për këto. Ajo që është më e rëndësishme për të gjithë shqiptarët në këtë valë debati, është se ne siç e kishim premtuar vijmë me këtë ligj që garanton hapjen e plotë dosjeve, se çdo qytetar mund ta shohë dosjen e vetë”, deklaroi ai./ B.A. – CNA.al





Lajmet e fundit nga