E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

“Vullnet Sinaj, me “armatën” e tij shpërndajnë zarfe”/ Berisha denoncon shitblerjen e votës

10 Maj 2025, 21:09, Politikë CNA

“Vullnet Sinaj, me “armatën” e tij shpërndajnë

Kryetari i Partisë Demokratike, Sali Berisha ka ndarë në rrjetet sociale denoncime nga qytetarët, për shitblerje votash.

Një nga denoncimet është për Vullnet Sinajn, për të cilin thotë se mbrëmë ka bërë listat për shpërndarjen e zarfeve me lekë në Bashkinë e Selenicës, ndërsa ditën e sotme do të bëhej shpërndarja.

Gjithashtu denoncuesi thotë se menaxheri kryesor i supermarketeve të Vullnet Sinajt, ka shpërndarë zarfe në zonën e Lumit të Vlorës dhe në Himarë.

“Krimineli Vullnet Sinaj blen vota!

Dënoj me forcën më të madhe krimin e tij të shëmtuar.
Lexoni denoncimin e qytetarit dixhital:

"I nderuar Doktor! E para, uroj të kemi një fitore sa më të thellë. Po ju dërgoj një informacion shumë të saktë dhe tepër sekret për territorin e Bashkisë Selenicë dhe Lumin e Vlorës. Deputeti Vullnet Sinaj, me ‘armatën’ e tij të kamufluar, mbrëmë kanë bërë listat e fundit për shpërndarje të zarfave në zonë, dhe sot do të kryejnë veprimet e tyre.
I pari që është në listë është karburanti në Peshkëpi me emrin Mesa Oil, i shtetasit Mirosh Hoxhaj. Kryetari i partisë në Vllahinë, Florjan Muça, ka marrë listat mbrëmë bashkë me zarfat, të cilët mund të kapen në flagrancë. Soklo Hodaj në Selenicë dhe një biznes në Vlorë kanë marrë lista me zarfa. Engjëllush Bellaj, njëkohësisht babai i kryetarit të Bashkisë Selenicë, në zonë dhe në biznesin e tij në Vlorë do të gjeni lista me zarfa.
Menaxheri kryesor i Big Market, Arsen Devollaj, ndodhet në zonën e Lumit të Vlorës dhe në bregdet në Himarë me zarfa. Të lutem, denoncoje në mënyrë sekrete, jo në polici, sepse kanë mbështetje. Po e shikoj vetë mundësinë, por ruaje anonimitetin tim””, thuhet në postimin e Berishës.

Gjithashtu kryedemokrati ka ndarë dhe një tjetër denoncim të ardhur nga qytetarët, për një rast të ndodhur në Kukës.

Qytetari në mesazhin e dërguar Berishës shkruan se drejtori i Policisë së qarkut Kukës, fillimisht ka bërë presion mbi bizneset për të votuar PS e më pas ka filluar të shpërndajë lekë me furgon policie.

“Krimineli elektoral Gentian Berberi ndan lekë me furgon policie

Dënoj me forcën më të madhe krimin e shëmtuar të narko-komisarit Berberi.
Lexoni denoncimin e qytetarit dixhital:

"Përshëndetje, doktor. Drejtori i Policisë së Qarkut të Kukësit, pas presionit që ka bërë mbi bizneset që të votojnë për kandidatin e PS-së me urdhër të Edi Ramës, ka dalë hapur dhe shpërndan lekë për votë me furgon policie. Ju lutem, denoncojeni këtë kriminel””, shkruan Berisha.

Në një tjetër denoncim të postuar nga Berisha, thuhet se dy persona në zonën e Shkozetit po shpërndajnë zarfe nëpër shtëpi.

“Demokratët kapin në flagrancë kriminelët elektoralë, Nova, Laku.

Edi Rama i tmerruar nga mbyllja madhështore e fushtës tonë dhe humbja e sigurt që e pret ka urdhëruar veprime kriminale për të cilat do pergjigjet deri më një!

Dënoj me ashpërsinë më të madhe aktin e shëmtuar kriminal dhe përgezoj demokratët që i kapën kriminelët në flagrancë.

Lexoni mesazhin, shikoni videon e qytetarit digital

Sot në zonën e Shkozetit 18:47 personat e quajtur Ard Nova dhe Laku me një motorr po shpërndajnë zarfe nëpër shtëpi”, shkruan kryedemokrati./ CNA