web counter
LEXO PA REKLAMA!

SHKARKO APP

App Store
Google Play

"Vota e diasporës ka vend për përmirësim"/ Celibashi: Ka nevojë për një reformë të thellë të sistemit zgjedhor

10 Maj 2025, 18:11, Politikë CNA

"Vota e diasporës ka vend për përmirësim"/

Kreu i KQZ, Ilirjan Celibashi në një dalje televizive është ndalur te sistemi zgjedhor, për të cilin tha se ka nevojë për një reformim të thellë në të gjitha nivelet. Celibashi u shpreh se reformimi i këtij sistemi do të vendoset pas zgjedhjeve të 11 majit.

Më tej, kreu i KQZ tha se procesi i votimit të diasporës ka ende vend për përmirësim.

Gjithashtu Celibashi u ndal dhe te roli i OSBE-ODIHR në zgjedhje, ku tha se respketohet çdo vendim i tyre dhe nëse është kritik ndaj punës së KQZ.

Kryekomisioneri tha se dhe palët duhet të pranojnë vendimet e OSBE-ODIHR.

“Ka nevojë për një reformë të thellë të sistemit zgjedhor, sa i përket pjesës së administrimit të procesit zgjedhor, funksionimit të komisioneve të gjitha niveleve, infrastrukturës, logjistikës, financimit të partive, fushatës në media dhe rrjetet sociale dhe elementë të kësaj natyre, që në një farë mënyrë preken në këtë raport.

Është momenti për të mos folur sepse nuk kemi çfarë të bëjmë një ditë para zgjedhjeve, por mbetet shumë për të vendosur pas përfundimit të këtij procesi.

Ka propozime nga partnerë vëzhgues ndërkombëtarë për votën e diasporës, që sipas tyre procesi është i besueshëm, transparent dhe eficient. Ne kemi konstatuar se ka vend për përmirësim. Ka probleme.

ODIHR janë arbritrat dhe vlerësuesit e zgjedhjeve në Shqipëri dhe ne, unë e kam thënë, që ne respektojmë çdo vendim të tyre, edhe kur ai është kritik ndaj punës së KQZ. I kemi pranuar si arbitër dhe do pranojmë gjykimin e tyre. I kemi thirrur si të tillë dhe duhet që palët të pranojnë vendimin e tyre", tha Celibashi./ CNA

 

 





Lajmet e fundit nga