web counter
LEXO PA REKLAMA!

SHKARKO APP

App Store
Google Play

E fundit!

x

“15 mijë votues nuk kanë marrë zarfet”/ Celibashi: Nuk preket integriteti i procesit zgjedhor

10 Maj 2025, 17:43, Politikë CNA

“15 mijë votues nuk kanë marrë zarfet”/ Celibashi:

Kreu i KQZ, Ilirjan Celibashi në një dalje televizive ka folur për procesin e votimit të diasporës.

Celibashi tha se sa u përket atyre emigrantëve të regjistruar që nuk kanë marrë fletët e votimit, referuar informacioneve nga DHL, është bërë çdo tentativë për t’i kontaktuar, por kanë dhënë adresa e-maili apo numra telefoni të gabuara.

Më tej Celibashi u shpreh se një nga karakteristikat e procesit të votimit të diasporës është transparenca që nga fillimi e këtij procesi.

“15 mijë votues rezultojnë deri tani që nuk i kanë marrë zarfet me fletët e votimit. 11 mijë prej tyre kanë probleme me adresat, diçka që e prisnim që në fillim të procesit. Me shumë mundësi kjo kategori nuk mund të mund ta marrë fletën e votimit. Sipas informacioneve nga DHL është bërë çdo tentativë për t’i kontaktuar, por se kanë dhënë adresa e-maili dhe numra telefoni të gabuara.

11 mijë -15 mijë persona pra nuk mund ta marrin fletën e votimit. Me integritetin e procesit zgjedhor kjo nuk ka të bëjë fare. Për ne ky është një numër minimal i papërfillshëm, nisur nga eksperiencat e shteteve të tjera ku ka pasur raste që edhe gjysma e fletëve të votimit nuk kanë mundur të shkojnë në destinacion.

Nëse ka një karakteristikë të spikatur procesi i votimit nga jashtë, është transparenca që ka nisur që në orën e parë. Ky proces është zhvilluar nën vëzhgimin dhe mbikëqyrjen e partive politike dhe shoqërisë civile, medias, në Parkun Olimpik të Tiranës, 24/7.
Kur proceset zhvillohen në mënyrë transparente, pak vend mund të lësh për të menduar se çfarë po ndodh sepse gjërat janë të hapura”, tha Celibashi./ CNA





Lajmet e fundit nga