web counter
LEXO PA REKLAMA!

SHKARKO APP

App Store
Google Play

E fundit!

x

Të premten tryezë e gjerë e opozitës dhe shoqërisë civile, do të vendoset për protestat

7 Janar 2026, 13:00, Politikë CNA

Të premten tryezë e gjerë e opozitës dhe shoqërisë

Kryetari i Partisë Demokratike, Sali Berisha, ka deklaruar se ditën e premte do të mblidhet një tryezë e gjerë e opozitës dhe shoqërisë civile, ku do të përcaktohen qëndrimet dhe hapat e mëtejshëm kundër qeverisë.

Sipas Berishës, tryeza do të jetë e hapur për debat dhe diskutim, me qëllim marrjen e vendimeve të përbashkëta lidhur me qëndrimet dhe protestat që do të ndërmerren në vijim.

“Ne shkojmë në tryezë të hapur për të debatuar me të pranishmit dhe për të vendosur së bashku mbi qëndrimet dhe protestat që do të zhvillojmë,” u shpreh ai.

Berisha theksoi se kjo tryezë do të përcaktojë edhe datën se kur do të organizohet protesta e radhës, duke shtuar se opozita synon një koordinim sa më të gjerë me shoqërinë civile për të kundërshtuar atë që ai e cilësoi si “regjim”.

“Ka një datë që ditën e premte do të mblidhet një tryezë shumë e gjerë e opozitës dhe shoqërisë civile ku do përcaktohet data dhe qëndrimet në vazhdim ndaj Ramaduros dhe regjimit të tij. Ne shkojmë në tryezë të hapur për të debatuar me të pranishmit dhe të vendosim së bashku mbi qëndrimet, protestat, që do të ndërmarrim në vazhdim. Ajo tryezë do të përcaktojë kur do të mblidhet protesta”, tha Berisha./ CNA





Lajmet e fundit nga