web counter
LEXO PA REKLAMA!

SHKARKO APP

App Store
Google Play

“SPAK, seksion i PS-së”/ PD për zgjedhjen e kreut të ri: Procesi u njollos

16 Dhjetor 2022, 19:31, Politikë CNA
“SPAK, seksion i PS-së”/ PD për zgjedhjen e kreut të
Selia e PD-së

Partia Demokratike është shprehur skeptike për procesin e zgjedhjes së drejtuesit të ri të SPAK, ku Altin Dumani zëvendësoi Arben Krajën, pas përfundimit të mandatit të këtij të fundit.

Me anë të një deklarate për mediat, PD ka ngritur pretendimet se procesi i zgjedhjes u njollos që në nisje të saj dhe sipas tyre është i pabesueshëm.

PD thekson se përplasja për drejtuesin e SPAK mes ambasadores Yuri Kim dhe kryeministrit Edi Rama tregon se drejtësia është kapur dhe se SPAK është seksion i PS-së.

Deklarata e plotë:

Procesi i zgjedhjes së drejtuesit të ri të SPAK u njollos që në nisje të saj dhe si i tillë është i pabesueshëm.

Përplasja për drejtuesin e SPAK mes Yuri Kim dhe Edi Ramës nuk është shenjë se drejtësia është e pavarur, por se ajo është kapur.

SPAK ka patur mjaftueshëm kohë për t’i dhënë prova publikut të kundërtën duke konsumuar mandatin e një drejtuesi.

Prej krijimit të saj SPAK ka patur në dorë dhjetëra skandale, të cilat ose janë hetuar nga bishti ose nuk janë prekur fare.

Një ‘pallat drejtësie’ në korridoret e të cilit shkon për të bërë ekskursione dhe për të dhënë direktiva kryeministri dhe një ambasadore që bën rolin e guvernatores, nuk është as i pavarur, as i lirë dhe as i ndarë nga pushteti ekzekutiv, siç e kërkon një demokraci normale dhe funksionale.

Me këto fakte të pakundërshtueshme, SPAK është thjeshtë një seksion i Partisë Socialiste.

Kujtojmë se SPAK nisi punën para 2 vitesh duke shpallur moskompetencën për dosjet famkeqe të blerjes së votave nga qeveritarët e lidhur me krimin ato 184 dhe 339 të cilat më pas ia përcolli Prokurorisë së Dibrës.

SPAK nuk hetoi krimin zgjedhor, i cili ne 9 vitet e fundit ka përcaktuar strukturën e shtetit.

Me këtë akt SPAK dëshmoi se është vetëm një bisht i i diskretituar i qeverisë.

SPAK po përdoret në mënyrë antiligjore, anikushtetuese për gjah ndaj opozitës dhe shënon kapjen dhe dështimin e plotë të reformës sorosiane të drejtësisë në Shqipëri./ B.A. - CNA.al





Lajmet e fundit nga