web counter
LEXO PA REKLAMA!

SHKARKO APP

App Store
Google Play

E fundit!

x

PL parashikon planin e Veliajt për ‘Myslym Ketën’/ "Pallatin do t'ua japë ortakëve"

16 Dhjetor 2022, 12:07, Politikë CNA

PL parashikon planin e Veliajt për ‘Myslym Ketën’/

Nënkryetari i Partisë së Lirisë, Endrit Brahimllari ka dhënë një deklaratë lidhur me pallatin që po shembet në lagjen “Myslym Keta” në Tiranë.

Ai ka akuzuar Erion Veliajn se ai po nxjerrë jashtë shtëpisë së tyre banorët të cilët kanë qëndruar mbrëmjën e djeshme jashtë banesave të tyre.

"Të nderuar qytetarë jemi në këtë komunikim me publikun për të denoncuar për të disatën herë dhunën dhe terrorrin psikologjik që kryetari në ikje i Bashkisë së Tiranës ushtron mbi qytetarët.

Të gjithë jeni vënë në dijeni mbi ngjarjen e rëndë që ka ndodhur me banorët e njësisë administrative numër 4, ku në mes të natës, i nxori në rrugë të sëmurë, invalidë, të moshuar duke iu ndërprerë energjinë elektrike dhe ujin e pijshëm, me qëllim grabitjen e pronës së tyre.

Pasi i ndryshoi dhe sajoi dokumentet, tri vite pas rënies së tërmetit u kujtua që pallati duhet të prishet si i pasigurt.

Pallati duhet të prishet pas 3 vitesh nga tërmeti, pasi Erion Veliaj tokën ku është ngritur pallati do t’ja japë ortakëve të tij me të cilët pastron lekët e krimit në Tiranë.

I njëjti skenar po përgatitet nga Erion Veliaj, në disa njësi administrative të Tiranës duke i mbajtur peng banorët me rindërtimin vetëm për një arsye të thjeshtë për të hapur sheshe ndërtimi për ortakët e tij, pasi është e qartë që Tirana është kthyer në lavatriçën e pastrimit të parave të pista, e konfimuar nga Departamenti i Shtetit, Fondi Monetar Ndërkombëtar dhe nga përgjimet e Ndraghetas.

Kjo është fytyra e vërtetë e Erion Velisë, i cili vetëm mashtron dhe grabit, terrorizon dhe dhunon qytetarët për interes të tij dhe ortakëve që e rrethojnë.

Ndaj qytetarët e Tiranës kanë një datë shumë të rëndësishme të cilën nuk duhet ta harrojnë.

14 maji është dita e ndëshkimit të këtij dhunuesi, grabitësi dhe mashtruesi dhe është dita që do ta kthejë Tiranën dhe kryetarin e saj në shërbim të qytetarëve dhe jo të trafikantëve”, tha ai./ CNA.al





Lajmet e fundit nga