web counter
LEXO PA REKLAMA!

SHKARKO APP

App Store
Google Play

Shembjet te ‘Myslym Keta’/ Berisha: Një qytetar ndërroi jetë, e shihte veten në humnerë

16 Dhjetor 2022, 13:10, Politikë CNA

Shembjet te ‘Myslym Keta’/ Berisha: Një qytetar ndërroi

Kryetari i Partisë Demokratike, Sali Berisha, në një deklaratë për mediat nga selia blu ka thënë se një qytetar ka ndërruar jetë në lagjen "Myslym Keta" në Tiranë ku është marrë dhe vendimi për shembjen e një blloku me pallate.

Berisha u shpreh se personi që ka ndërruar jetë e shikonte vetën në humnerë të plotë pas vendimit për shembjen e apartamentit të tij.

“Një qytetar ndërroi jetë nga stresi, nga sindromi i zemrës së plasur. Sepse po e nxjerrin me forcë nga shtëpia. Cila është historia? Pas tërmetit, ekspertët u kanë dhanë banorëve të këtij pallati, klasifikimin se pallati i tyre nuk ka dëmtime të rëndësishme. Kam një titull të vitit 2019, që se si luhet me jetët e 90 familjeve nga Qefaliaj. Ky i fundit ka ndërtuar aty dhe u ka prishur themelet. Në mënyrë barbare u presin dritat dhe ujin. Mbrëmë ai ndërroi jetë nga sindromi i plasjes së zemrës një qytetar që e shihte veten në humnerë totale, që e nxirrnin me forcë. Këto ndodhin si në asnjë vend të botës, në Shqipëri konfiskon kryeministri. Nuk konfiskon gjykata. Këto janë zhvillimet e një revanshi që po nuk e ndalëm, do të përmbysë edhe më keq shoqërinë dhe shtetin shqiptar”, deklaroi ai./ CNA.al

 

 





Lajmet e fundit nga