web counter
LEXO PA REKLAMA!

SHKARKO APP

App Store
Google Play

“S’ka ndodhur në 3 dekada të vidhet emri dhe vula e një partie”/ Topalli, kritika të ashpra KAS

16 Mars 2023, 21:52, Politikë CNA
“S’ka ndodhur në 3 dekada të vidhet emri dhe vula e
Anëtarja e Kryesisë së Partisë Demokratike, Jozefina Topalli

KAS vendosi sot që PD e vulës të regjistrohet në zgjedhjet e 14 majit, duke njohur si kryetar të komanduar Enkelejd Alibeajn.

Por ky vendim është vcilësuar si brutal dhe kundër legjislacionit shqiptar nga anëtarja e Kryesisë së Partisë Demokratike, Jozefina Topalli.

Ajo tha në emisionin “Open” se KAS ka marrë kompetencat e gjykatës dhe ka vendosur për diçka që as Alibeaj nuk e ka kërkuar.

Topalli deklaroi se nuk ka ndodhur as në tre dekada të regjistrohet një grup i ri duke vjedhur emrin dhe vulën e një partie.

“Sot është marrë një vendim brutal kundër legjislacionit shqiptar, jemi në një udhëkryq shumë të rrezikshëm për vendin, në lojë është pluralizmi. KAS ka marrë kompetencat e gjykatës dhe ka vendosur për diçka që as Alibeaj nuk e ka kërkuar.

Vendimi ishte përtej realitetit dhe çdo zhvillimi politik në skenën shqiptare gjatë kësaj kohe. Edhe sikur të mos ekzistonte fare PD me Berishën, vetëm duke u nisur nga vendimi i Apelit dhe sot nga KAS, kush qendron vendimi i Apelit apo ai i KAS. Në bazë të kodit Zgjedhor kush ka të drejtë? Ju që caktoni kush është kryetari me çfarë baze e Statuti e caktoni? Është thyer ligj dhe Statuti.

Vendimi i sotëm është dhënë më shumë se sa kërkohej dhe ka marrë kompetencat e gjykatës dhe kompetencat e legjislativit. Pse KAS e ka bërë këtë është gjë tjetër, hyjmë në rrafshin politik.

Vendimi është politik dhe më e rëndë se kaq. Sepse të regjistrosh një grup të ri është normale, por t’i vjedhësh emrin, vulën, kompetencën, të bësh edhe legjislatorin, kjo është ajo që s’ka ndodhur në 3 dekada. Në planin politik kjo është përpjekje për të goditur pluralizmin”, ka deklaruar Topalli./ CNA





Lajmet e fundit nga