web counter
LEXO PA REKLAMA!

SHKARKO APP

App Store
Google Play

E fundit!

x

Lefter Alla në pranga për llogari të SPAK/ Berisha: E arrestuan se nuk donte të largohej

16 Mars 2023, 20:58, Politikë CNA

Lefter Alla në pranga për llogari të SPAK/ Berisha: E arrestuan

Mbrëmjen e djeshme u arrestua për llogari të SPAK kryebashkiaku socialist i Bulqizës, Lefter Alla, nën akuzat e shpërdorimit të detyrës, falsifikimit të dokumentave e formualrëve dhe favorizimit të një kompanie me tenderat.

Lidhur me vënien në pranga të Allës ka reaguar edhe kryetari i Partisë Demokratike, Sali Berisha.

Gjatë një takimi me qytetarët në Lushnje, Berisha tha Lefter Alla donte të kandidonte sërish në zgjedhjet vendore, por partia nuk e la dhe e mbante peng me anë të një dosjeje.

Sipas tij, refuzimi i kryebashkiakut për tu larguar  e solli deri në këtë pikë.

“Arrestuan mbrëmë për një tender 2 mln euro, narkomanin e Bulqizës. A e dini ju pse e arrestuan? E arrestuan se nuk pranoi të largohej, donte të kandidonte patjetër dhe ja mbanin dosjen. Por ja ku e keni kryebashkiakun e Fierit, i cili tokën bujqësore e shpall tokë truall për të vjedhur, për të ndarë para. Burgosen vartësit, nuk burgoset ai që është kryesori.

Këta vjedhin, vjedhin të gjithë.

Tendera sekrete, tendera sekrete miqtë e mi bëhen vetëm për ndonjë problem të shërbimit të fshehtë, ndonjë problem të Prokurorisë së Përgjithshme. 260 tendera sekrete ka bërë ajo që rri në krah të Edi Ramës, 260 vjedhje. Dhjetëra e dhjetëra prej tyre i fiton baxhanaku i Edi Ramës,  i cili me ligj nuk duhet të marrë pjesë në tendera, se ka një ligj që e ndalon. Pra, a do vazhdojë ne në këtë mënyrë. Prandaj dhe Lushnja, Shqipëria bëhet jo tokë e bekuar, por tokë e mallkuar. Por duhet ti dalim zot, duhet ti japim votën ndryshimit, duhet të bashkohemi”, theksoi kryedemokrati./ CNA





Lajmet e fundit nga