web counter
LEXO PA REKLAMA!

SHKARKO APP

App Store
Google Play

E fundit!

x

"S’jemi bërë kurrë pjesë e qeverisë"/ Idrizi: Nuk kemi patur mbështetjen e partive të tjera

29 Prill 2023, 20:30, Politikë CNA

"S’jemi bërë kurrë pjesë e qeverisë"/

Kreu i PDIU, Shpëtim Idrizi, nga Fieri ashtu sikurse edhe në takime të tjera është shprehur se PDIU nuk ka pasur asnjëherë mbështetjen e partive të tjera.

Idrizi theksoi se PDIU nuk është bërë kurrë pjesë e qeverisë edhe kur qeveria i ka bërë ofertën për të qenë në parlament.

Më tej ai theksoi se PDIU i ka dhënë shumë partive të mëdha dhe kjo duket qartë në listat e këshillave bashkiakë.

"Për ne dinjiteti dhe heqja e stereotipave është ajo që është në themel të gjithë asaj që na bashkon. Unë kam qenë në të njëjtat kushte si ju dhe nuk ka qenë betejë e lehtë. Çështja çame nuk duhet të ishte vetëm beteja jonë. Na është dashur shumë dhe jam krenar kur shoh që kemi hequr stereotipat. Të jesh çam sot është krenari për çdo të ri. Të rinjtë e thonë me krenari që janë çamë sot. Ne kemi bërë atë që kemi mundur. Kush do që të bëjë për Çamërinë e ka vendin te PDIU. Jemi e vetmja parti që e kemi në qendër të ekzistencës sonë. PDIU do mbetet në politikën shqiptare për çështjen çame dhe për çështjen kombëtare shqiptare. Kjo është arsyeja pse ne rrimë në politikën shqiptare. Kemi bërë shumëçka, por asnjëherë nuk kemi pasur mbështetje nga partitë e tjera.

Çështja e Çamërisë u përket gjithë shqiptarëve. PDIU kurrë nuk është bërë pjesë e qeverisë, të vetmen ofertë që kemi pasur për të qenë në ministri e kemi refuzuar sepse kërkonim rezolutën për shqiptarët e Çamërisë. Aq shumë i kemi dhënë partive të mëdha, sa po të shohësh në listat e këshillave bashkiakë kanë qenë pjesa jonë. PDIU prodhon vazhdimisht dhe nxjerr figura patriotike”, tha ai./CNA.al

 

 

 

 





Lajmet e fundit nga