E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

E krahasoi me Lulzim Bashën/ Boçi-Ramës: Në 2013 bëje si qaraman

29 Prill 2023, 18:48, Politikë CNA

E krahasoi me Lulzim Bashën/ Boçi-Ramës: Në 2013 bëje

Kandidati i koalicionit “Bashkë Fitojmë” për bashkinë e Elbasanit, Luçiano Boçi u është përgjigjur deklaratave të Edi Ramës ku e ka krahasuar atë me ish-kryetarin e PD-së, Lulzim Bashën.

Boçi në një intervistë me gazetaren Nisida Tufa, i ka kujtuar kryeministrit kohën kur ai dilte si qaraman dhe deklaronte se ndaj tij është hedhur baltë dhe familjarët e tij po fshihen i

Kandidati i Elbasanit u shpreh se Rama tashmë ka marrë rolin e personit që hedh baltë, pork jo gjë nuk mund të lejohet nga ai pasi si figurë poitike ka integritet dhe nuk mund të duroje ofendime të tilla.

"Si ka mundësi që një kryeministër që merr votën siç pretendohet bën deklarata të tilla që nuk do mbështesë bashkitë. Dikush tha që është terrorizëm politik, nuk mund të përdoret ky fjalor. Terrorizmi politik në vend aplikohet në disa forma, ka kërcënime për fondet, mënyra e sjelljes me administratën, etj. Kryeministri ka detyrim ligjor që pjesën e taksave të qytetarëve t’ua kthejë në formë grantesh. Pjesa tjetër është performanca e bashkisë. Kryeministri bën autogolin e vetë me këtë deklaratë. Nuk ka logjikë politike e nuk ka moral njerëzor. Nëse vazhdon me fjalorin e tij normal ka dhe rrugë ligjore. Nuk është në kulturën time politike dhe etike që të kthehem në të njëjtën formë për deklaratat e këtij kryeministri.

Ishte ky kryeministër që dilte si qaraman në vitin 2013 dhe thoshte se ndaj tij është hedhur aq baltë sa familjarët e tij janë fshehur dhe më është dhimbsur me të vërtetë. Më vjen keq që është po ky që këtë pasojë të tijën për baltën e shndërron dhe bëhet në rolin e hedhësit të baltës. Vërtetë jemi politikanë, por edhe unë kam familjen dhe integritetin tim. Kjo është fazë e degradimit të tij të plotë. Ai që kërcënon shqiptarët se nuk do i financojë ka marrë fund, rrëzimi i tij do jetë pa kthim”, shtoi ai./CNA.al