web counter
LEXO PA REKLAMA!

SHKARKO APP

App Store
Google Play

E fundit!

x

"Shuplaka" e fortë për qeverinë/ Eksperti: Mësuesit dhe edukatoret paguhen më pak se sanitaret në QSUT

1 Maj 2025, 10:50, Politikë CNA

"Shuplaka" e fortë për qeverinë/ Eksperti:

Eksperti i Arsimit, Ndriçim Mehmeti, në një intervistë për CNA i ka dhënë një "shuplakë" shumë të fortë qeverisë duke thënë se rrogat për mësuesit dhe edukatoret janë më të ulëta se rroga e një punonjëse sanitare në QSUT.

Gjatë intervistës së tij, eksperti ka renditur shumë problematika, të cilat hasin në arsim sot, duke nisur nga infrastruktura shkollore e deri te mungesa e trajnimeve për mësuesit.

“Jemi të përgatitur në nivel pedagogjik, por jemi të papërgatitur në sistemin 12-vjeçar. Në këtë sistem vuajmë disa probleme shumë të mëdha. Kemi infrastrukturë të dobët shkollore, nuk kemi shkolla të digjitalizuara që t’u përgjigjen zhvillimeve, që janë sot Inteligjenca Artificiale dhe të teknologjisë së informacionit dhe komunikimit. Siç e pamë në studimin e fundit, ne kishim koeficientin e inteligjencës më të ulëtin në Ballkan dhe Europë. Kemi mësues të papërgatitur pasi nuk ka trajnime efektive, nuk kemi mësues të përgatitur të arsimit special. Po përpiqemi, por jo në ato nivele që do të dëshironim për fëmijët me aftësi dhe nevoja ndryshe. Kemi paga jomotivuese. Rroga mesatare nuk është në fakt 900 euro, pasi në sistemin 12-vjeçar marrin 680 euro maksimumi ai që ka vite të shumta pune. E të mos harrojmë që edukatoret e kopshtit dhe mësuesit e arsimit fillor, marrin paga qesharake. Pagat e kopshtit janë më të ulëta se sanitaret e QSUT-së që marrin 52 mijë lekë, ndërsa në kopsht mesatarisht marrin 44 deri në 46 mijë lekë. Në arsimin fillor maksimumi marrin 630 euro në muaj”, tha eksperti Ndriçim Mehmeti./ CNA





Lajmet e fundit nga