web counter
LEXO PA REKLAMA!

SHKARKO APP

App Store
Google Play

Shumë pranë rezultateve finale/ 10 bashkitë ku nuk ka përfunduar numërimi i votave

15 Maj 2023, 23:27, Politikë CNA
Shumë pranë rezultateve finale/ 10 bashkitë ku nuk ka
Foto ilustruese

51 bashki të vendit kanë përfunduar numërimin dhe kanë shpallur rezultatin për kandidatin fitues në këto zgjedhje vendore.

Por 10 bashki të tjera po vijojnë numërimin dhe ende nuk ka një rezultat përfundimtar. Bëhet fjalë për bashkitë Tiranë, Durrës, Malësi e Madhe, Dibër, Kurbin, Lezhë, Kavajë, Kukës, Krujë dhe Shijak.

Në Tiranë, ku garojnë 6 kandidatë, janë numëruar deri më tani 843 qendra nga 941 që ka në total kryeqyteti. Garën e kryeson kandidati i PS-së, Erion Veliaj.

Në Durrës kanë mbetur pa numëruar edhe dy qendra. Konkretisht janë numëruar 340 qendra nga 342 në total. Këtë bashki e kryeson PS-ja me Emiriana Sakon.

Në Malësinë e Madhe janë numëruar 64 qendra nga 72 në total. Në avantazh është kandidati i PS-së, Tonin Marinaj.

Në Dibër janë numëruar 97 qendra nga 99 në total. Kandidati i PS-së, Rahim Spahiu ka lënë pas kundërshtarët me një diferencë të madhe votash.

Në Kurbin janë numëruar 60 qendra nga 74 në total. Më shumë vota ka marrë Majlinda Cara e PS-së.

Në Lezhë janë numëruar 124 qendra nga 126 në total. Gara kryesohet nga Pjerin Ndreu i PS-së.

Në Kavajë janë numëruar 74 qendra nga 92 në total dhe kanë mbetur 18 qendra të tjera. Aktualisht gara udhëhiqet nga kandidati i koalicionit “Bashkë Fitojmë”, Fisnik Qosja me një diferencë jo shumë të madhe votash.

Në Kukës janë numëruar 69 qendra nga 73 në total. Aktualisht kanë mbetur dhe 4 qendra të tjera dhe kryeson bindshëm Safet Gjici i PS-së.

Në Krujë janë numëruar 83 qendra nga 92 në total. Edhe në këtë bashi, në avantazh është kandidati i PS-së, Artur Bushi.

Në Shijak kanë mbetur 6 qendra numërimi, pasi ka përfunduar procesi në 48 të tilla nga 54 në total. Sërish gara është në favor nga kandidati i PS-së, Elton Arbana, me një diferencë të madhe botash./ CNA.al





Lajmet e fundit nga