web counter
LEXO PA REKLAMA!

SHKARKO APP

App Store
Google Play

PS fitoi Rrogozhinën me rezultat të ngushtë/ Veliaj: S’duhet të kalojmë në eufori

15 Maj 2023, 20:18, Politikë CNA
PS fitoi Rrogozhinën me rezultat të ngushtë/ Veliaj:
Drejtuesi politik i qarkut të Tiranës, Erion Veliaj

Kandidati i PS-së, Edison Memolla, fitoi me 23 vota më shumë bashkinë e Rrogozhinës, në garën me Shkëlqim Hoxhën e koalicionit "Bashkë Fitojmë".

Për këtë fitore me një diferencë të ngushtë foli në një deklaratë nga selia rozë, drejtuesi politik i qarkut të Tiranës, Erion Veliaj.

Ai deklaroi se rezultati në Rrogozhinë u dha atyre mesazhin se socialistët duhet të punojnë më shumë për qytetarët dhe nuk duhet të kalojnë në eufori nga fitorja.

“Përfundoi me një fitore me 23 vota, të cilat do të na japin të drejtë të festojmë por jo që të jemi euforik. Ne po e lexojmë shumë qartë mesazhin e Rrogozhinës, me 23 vota është të jesh barazim. Kështu që nuk duam të jemi arrogant, mendjemëdhenj por mesazhi që na dha është që të jemi me këmbë në tokë dhe edhe pse jemi votuar me 50%, duhet t’u shërbejmë 100% qytetarëve. Dua t’i falenderoj me zemër edhe ata që nuk na votuan sepse na dhanë një mesazh, një mesazh që ka ende tensione dhe diferenca mes popullsisë qytetare dhe urbane.

Janë diferenca që ne duhet t’i adresojmë menjëherë. Ka një nevojë të jashtëzakonshme për të vazhduar për ta ngritur stekën, kur njerëzit shikojnë se si në disa zona urbane ka një mirëqenie dhe ka investim në urbanistikë, të njejtën gjë presin edhe në fshatin më të largët. Kështu që ju garantoj se po e lexojmë shumë qartë atë mesazh dhe paçka se sot do t’i gëzohemi asaj fitoreje ne kurrsesi nuk do kalojmë në eufori dhe nuk do ta marrim atë mesazh si një licensë për të mos shërbyer”, theksoi Veliaj./ CNA.al





Lajmet e fundit nga