web counter
LEXO PA REKLAMA!

SHKARKO APP

App Store
Google Play

Mirdita kthehet djathtas/ Mëlyshi zbulon "prapaskenat" e procesit zgjedhor

15 Maj 2023, 17:47, Politikë CNA

Mirdita kthehet djathtas/ Mëlyshi zbulon "prapaskenat" e procesit

Kandidati i koalicionit “Bashkë Fitojmë”, Albert Mëlyshi pas fitores në Mirditë ka deklaruar se në qëndrat e votimit ka pasur prezencë të punonjësve të administratës çfarë rrjedhimisht sjell dhe presion ndaj votuesve.

Mëlyshi theksoi se mungon ende procesi i lirë zgjedhor në vend.

Sipas tij, qytetarëve u është marrë vota nga kundërshtarët nëpërmjet presioneve dhe lidhjeve miqësore duke mos vlerësuar kështu programin e kandidatëve.

"Ka vite që mirditorët e kërkojnë.

Të jemi të sinqertë vazhdojmë të vuajmë problemin e zgjedhjeve të lira dhe të ndershme, që qytetari ta vlerësojë.

Ne akoma vazhdojmë të ndikohemi nga pushteti si lokal dhe ai qendror edhe gjatë ditës së djeshme në çdo qendër votimit afër tyre, ka pasur prezencë e punonjësve të administratës, që edhe nëse nuk do të kishte komunikim mes tyre, ajo është presion në momentin që ata ndodhen aty, pa pasur një pozicion të caktuar aty.

Ne e dimë se si merret vota, si kërkohet vota, etj., me radhë. Akoma nuk e kemi modelin e duhur për të pasur një palë zgjedhje, ose një model zgjedhjesh që qytetarët të vlerësojnë në bazë të programit, por vazhdojmë të kemi atë modelin e vjetër, të marrjes së votës me presione, lidhjeve të miqësive dhe krushqive dhe këto vazhdojnë ta mbajnë larg demokracinë.

Prej vitesh kryetari i bashkisë ishte thjeshtë një emër, ai mungonte në mënyrë permanente në Mirditë dhe vinte vetëm  në fushata elektorale, përveç kësaj mungonin shërbimet.

Mungesa e kryetarit të bashkisë përkthehet edhe në mungesë e dëshirës së administratës për të kryer detyrën e tyre", tha ai./CNA.al

 





Lajmet e fundit nga