web counter
LEXO PA REKLAMA!

SHKARKO APP

App Store
Google Play

E fundit!

x

KQZ, urdhër KZAZ-ve/ Mos ndërprisni numërimin

15 Maj 2023, 15:58, Politikë CNA
KQZ, urdhër KZAZ-ve/ Mos ndërprisni numërimin
Kreu i KQZ-së, Ilirjan Celibashi

Komisioni Qendror i Zgjedhjeve ka dalë me një udhër për të gjitha qendrat e numërimit.

Me një njoftim, KQZ u jep ultimatum KZAZ-ve të mos ndërpresin procesin e numërimit në asnjë moment, pasi thekson se ai duhet të vazhdojë në mënyrë të pandërprerë.

Ky institucion kërkon që KZAZ-të të marrin masa për të zëvendësuar numëruesit që largohen, tërhiqen, apo kanë qëndruar në detyrë me orar të zgjatur.

Njoftimi i plotë:

Urdhër për organizmin e grupeve të numërimit të votave në VNV, për vazhdimin në mënyrë të pandërprerë të procesit, për zgjedhjet për organet e qeverisjes vendore të datës 14 maj 2023

Në mbështetje të pikës 1, shkronja “b”, dhe pikës 2, të nenit 19, e neneve 32, pika 1, shkronja a dhe pika 3, 33 shkronja a dhe ë, neni 119 pika 5, neni 168 dhe 171 pika 5, të Kodit Zgjedhor, të ndryshuar, dhe të vendimit nr. 23, datë 24.4.2023 “Për organizimin e punës në Vendin e

Numërimit të Votave, radhën e veprimeve gjatë dorëzimit të materialeve zgjedhore, numërimit të votave dhe nxjerrjes së rezultatit të zgjedhjeve për zonën e administrimit zgjedhor, për zgjedhjet për organet e qeverisjes vendore”,

Urdhëroj:

1. KZAZ-të në bashkëpunim me përfaqësuesit e partive politike që kanë të drejtën e propozimit për anëtarë të grupeve të numërtim të votave, të përcaktojnë paraprakisht listat e numëruesve që, sipas rastit, do të zëvendësojnë ata që largohen, tërhiqen, apo kanë qëndruar në detyrë me orar të zgjatur.

2. KZAZ-ja, me përjashtim të rasteve të marrjes së vendimeve, mund të organizojë praninë e anëtarëve të saj në ambientet e VNV-ve mbi bazë të një sistemi rotacioni.

3. Ngarkohen KZAZ-të për zbatimin e këtij urdhri.

Ky urdhër hyn në fuqi menjëherë./ CNA.al





Lajmet e fundit nga