web counter
LEXO PA REKLAMA!

SHKARKO APP

App Store
Google Play

E fundit!

x

Beleri fitoi Himarën/ Rama: S’kam arsye të kontestoj rezultatin

15 Maj 2023, 22:39, Politikë CNA
Beleri fitoi Himarën/ Rama: S’kam arsye të kontestoj rezultatin
Kryeministri Edi Rama

Kryeministri Edi Rama është pyetur mbrëmjen e sotme nga gazetarët nëse do ta pranojë rezultatin e zgjedhjeve në Himarë, ku fitoi më diferencë të vogël votash kandidati i koalicionit “Bashkë Fitojmë”, Fredi Beleri.

Rama tha se nuk ka asnjë arsye për të kontestuar rezultatin e zgjedhjeve.

Ai theksoi se e vetmja gjë që do të bëjë është të presë vendimin e drejtësisë në lidhje me arrestimin e Belerit për shitblerje votash.

“Zgjedhjet në Himarë treguan diçka tjetër. Ato janë zhvilluar me qetësi të plotë, është votuar pa pengesë, pa incident. Aty kanë qenë përfaqësues të trupit diplomatik. Aty ishin gazetarë, shqiptarë dhe grekë. Aty ishin liderë lokal që ka mbajtur televionet gjallë me bomba tymuese për atë po ndodhte, por që askush nuk e shihte. Aty ishte dhe policia që garantoi gatishmëri. Aty është bërë numërim si kudo në Shqipëri, transparent e paqësor.

Aty ka fituar me një grusht votash, kandidati kundërshtar me qeverinë. Dhe kjo hedh poshtë totalisht çdo lloj argumenti të sforcuar se aty është bërë një përpjekje për të marrë me metoda ekstra ligjore apo elektorale nga ana jonë. Një fitore që s’ka të bëjë me masën e dhënë nga gjykata për kandidatin në fjalë. Unë besoj se duhet të mjaftoj ky argument për të mos u ngatërruar gjërat. Akuza e ngritur s’është nga qeveria, ju e dini mirë sesa e kontrollojmë ne dhe sesa dëshirojmë ne që ta kontrollojmë... Nëse unë si kryeministër se bëj kurrë të ngre pikëpyetje para drejtësisë këtë nuk e lejoj ta bëj askush tjetër”, theksoi Rama ndër të tjera./ CNA.al





Lajmet e fundit nga