web counter
LEXO PA REKLAMA!

SHKARKO APP

App Store
Google Play

E fundit!

x

Kandidati i “Bashkë Fitojmë” në Devoll, pranon humbjen/ "Kam prioritet fjalën e lirë"

15 Maj 2023, 22:36, Politikë CNA

Kandidati i “Bashkë Fitojmë” në Devoll, pranon

Eduard Gjuzo i Partisë Socialiste fitoi Bashkinë e Devollit me 450 vota diferencë ndaj Elvis Hajdërllit, kandidatit të koalicionit "Bashkë Fitojmë".

Për rezultatin e zgjedhjeve ka reaguar pak më parë Hajdërlli, i cili ka pranuar humbjen dhe ka falçnderuar personat që i besuan votën.

Ai shprehet se e ka finalizuar procesin zgjedhor duke respektuar dhe vlerësuar lirinë, bindjet, dhe aspiratat e çdo devolliu, pa ushtruar presion, dhunë verbale apo fyerje.

Kandidati i opozitës thekson se do të ketë gjithmonë si prioritet demokracinë dhe lirinë e fjalës e të individit.

“Falenderime të përzemërta për demokratët dhe të gjithë devollinjtë që më besuan votën e tyre!

Dua të shpreh mirënjohjen time të thellë për të gjithë ju që më mbështetët dhe më vlerësuat, që punuat me aq dashamirësi dhe treguat se vlerat qytetare dhe virtytet e njeriut, janë armët më të forta që ne kemi dhe për të cilat do të jemi krenarë gjithë jetën!

Falenderime për grupin e punës, ekipin e të rinjve dhe komisionerët të cilët punuan me përkushtim dhe devotshmëri, duke i shtuar vlerat forcës tonë!

Falenderime pa fund emigrantëve, që aq shumë e deshën ndryshimin e që besuan fort tek ne!

Ne kemi finalizuar këtë proçes duke respektuar dhe vlerësuar lirinë, bindjet, dhe aspiratat e çdo devolliu dhe kurrë nuk ushtruam presion, dhunë verbale, fyerje sikundër bënë kundërshtarët tanë.

Demokracia dhe liria e fjalës dhe e individit do të jenë gjithmonë prioriteti im, sepse unë kam lindur dhe jam rritur i tillë.

Ne jemi fitimtarët e të drejtës, vlerave, lirisë, integritetit, virtyteve dhe qytetarisë!”, nënvizon Hajdërlli./ CNA.al





Lajmet e fundit nga