web counter
LEXO PA REKLAMA!

SHKARKO APP

App Store
Google Play

E fundit!

x

“Ndihem keq që nuk solla ndryshimin”/ Kandidati i “Bashkë Fitojmë” në Kukës, akuza PD-së së Alibeajt

15 Maj 2023, 23:05, Politikë CNA
“Ndihem keq që nuk solla ndryshimin”/ Kandidati i
Kandidati i “Bashkë Fitojmë” në Kukës, Admir Sinamati

Kandidati i “Bashkë Fitojmë” në Kukës, Admir Sinamati, ka reaguar me tone të ashpra ndaj PD-së së Enekelejd Alibeajt lidhur me rezultatin e zgjedhjeve vendore.

Me anë të një statusi në rrjetet sociale, Sinamati deklaron se qeverisë ia dhuroi pushtetin PD-ja e Alibeajt, që e quan ish-opozitë.

Duke pasur parasysh rezultatin në Kukës, ku ndonëse nuk kanë mbaruar numërimet PS-ja është në avantazh bindshëm, ai deklaron se ndihet keq që pavarësisht pritshmërive të mëdha nuk solli dot ndryshimin.

“Çfarë ndodhi ?! Pushtetin e falur nga ish opozita e shndërruan në dhunë e para të pista të korrupsionit, e me to blenë një pjesë të opozitës dhe votën e një pjese të varfëruar të qytetarëve prej pushtetit të tyre, për ta transferuar sot në pushtet dhune e për t’ua nxirë jetën atyre dhe gjithë të tjerëve përgjatë 4 viteve! Lutje!

Ruaji Zot shqiptarët e ndershëm prej atyre me pushtet të blerë e votuesve të shitur në treg të lirë! Falenderoj qytetarët kuksianë që më besuan mua dhe nuk u mposhtën prej dhunës, presionit dhe blerjes! Ndjehem keq që pavarësisht pritshmërive të mëdha nuk ia solla dot ndryshimin Kukësit! Kam besim se ende ka shpresë që Demokracia do të triumfojë dhe së shpejti e drejta do të fitojë!”, shkruan Sinamati./ CNA.al





Lajmet e fundit nga