web counter
LEXO PA REKLAMA!

SHKARKO APP

App Store
Google Play

Salianji si Rilindja/ Fajin e ka Saliu

10 Shtator 2025, 18:58, Politikë CNA

Salianji si Rilindja/ Fajin e ka Saliu

Ish-deputeti i Partisë Demokratike, Ervin Salianji në një intervistë të dhënë pas mbledhjes së Kryesisë u shpreh se Partia Demokratike ka bërë gabime dhe një ndër këto gabime është djegia e mandateve.


"Sigurisht që ka gabime. Gabimi më i madh, pa diskutim, ka qenë lënia e mandateve. Personalisht, kam qenë ndër të paktët që kam votuar kundër. Është e dokumentuar," tha Salianji.


Më tej vijoi duke renditur një sërë gabimesh, por duke lënë veten jashtë tyre, duke përfshirë edhe mospjesëmarrjen në zgjedhjet lokale.
Për Salianjin fajtorë janë edhe Lulzim Basha edhe Sali Berisha.


“Pra, përgjegjësi ka pasur shumë, dhe jo vetëm nga një person. Edhe Lulzim Basha ka përgjegjësi, por edhe të tjerë. Nuk përjashtohet as Sali Berisha, sepse secili, sipas peshës së ndikimit që ka pasur, mban një pjesë përgjegjësie. Fajet dhe përgjegjësitë duhen pranuar. Sepse nëse nuk bëjmë diagnozën e saktë, nuk mund të gjejmë zgjidhje. Duhet të pranojmë gabimet për të mos i përsëritur më”, tha Salianji.

Pas daljes nga burgu ku vuajti dënimin prej 1 viti, (u lirua me kusht pas 10 muajsh) Salianji ka marrë një posturë kritike ndaj Partisë Demokratike dhe kjo u duk që në daljet e para televizive ku audienca që ka fituar e ka bërë të përjashtojë veten nga dështimet e deritanishme në forcën ku aderon.


Duket e qartë lëvizja pas shfaqjes së tij të parë në Top Channel dhe mbështetjes së madhe pas marrëveshjeve të gjetura me socialistët dhe Rilindjes ka filluar sulmin ndaj Berishës dhe Partisë Demokratike.


Në fakt Ervin Salianji ka qenë një nga mbështetësit kryesorë të Lulzim Bashës, pa asnje kontribut në PD dhe pa asnjë karrierë politike. Lulzim Basha e mori nga rruga dhe e bëri sekretar dhe më pas edhe deputet, duke e përdorur edhe për një mashtrim publik për të cilin bëri 1 vit burg.


Tashmë ka dalë duke u treguar demokratëve gabimet, duke drejtuar gishtin te Berisha, Gazment Bardhi apo Lulzim Basha kur në fakt Salianji është një nga përgjegjësit kryesorë.

Nëse PD-ja është në katastrofë është nga “Babalizmi” i saj dhe nga “Salianjizmi” i saj, tani "Salianjizmi" dhe "Babalizmi" po përdoren për të shkatërruar edhe më tej Partinë Demokratike nga Salianji dhe një çetë njerëzish të lidhur me grupin e UET, pra të Henri Çilit të dikurshëm nga Grida Duma dhe individë të tjerë ish-sorosianë dhe mbështetës të tij që kërkojnë të mbajnë shtrirë tentakulat e tyre në PD./CNA





Lajmet e fundit nga