web counter
LEXO PA REKLAMA!

SHKARKO APP

App Store
Google Play

Berisha zbulon lëvizjen/ Si do të nisë aksioni opozitar

10 Shtator 2025, 15:18, Politikë CNA

Berisha zbulon lëvizjen/ Si do të nisë aksioni opozitar

Gjatë mbledhjes së Kryesisë, kreu i PD-së, Sali Berisha, ka bërë me dije se me të nisur sesioni i ri parlamentar PD do të kërkojë hapjen e një komisioni hetimor për zgjedhjet dhe për McGonigal.

Berisha tha se do të ndihmojë ndërkombëtarët pasi ka fakte dhe prova të bindshme.

“Hakmarrja për drejtësi tani po ndërton një ndërtesë gjigante në Tiranë për studio arkitekturore.

Vini re mirë, shikoni ku jemi.

Hakmarrja për drejtësi tani po ndërton një ndërtesë gjigante në Tiranë për studio arkitekturore.

Se nuk kishim hapësira. Po, kanë ardhur në Tiranë dhe po ndërtojnë tani studiot e mëdha se vetëm këto ekzistojnë. Të heqim karriget këtu, të hapim hapësirën aty.

Drogë, drogë dhe vetëm drogë. Ndaj dhe parlamentin do ta hapim prapë me komision hetimor për zgjedhjet.

Po. Themelore, fjala e lirë, vota e lirë. Prapë me komisione hetimore.

T’i nxjerrim kriminelët elektoralë para shqiptarëve siç nxorëm kriminelët e djegësve. Komision për McGonigalin.

E morët vesh ju se çfarë dimensionesh ndërkombëtare planetare merr afera 'McGonigal' ku në epiqendër është edhe Edi Rama me Duçkën e tij.

Ka 3 vjet që zoti Bardhi ka bërë denoncimin. E mbyll Altin Troplini. Jo, do t’ua themi shqiptarëve të gjitha se çfarë kanë bërë këta.

Dhe jemi të gatshëm të ndihmojmë edhe hetimin në SHBA nëse e kërkojnë. Ne kemi prova dhe fakte që janë të dobishme për ta.

Pra, duke kërkuar mirëkuptim për zemërimin e shumë anëtarëve, simpatizantëve, qytetarëve, intelektualëve që kanë me këto që kanë ndodhur, ne nuk përligjim procesin zgjedhor, por ne shfrytëzojmë këtë hapësirë në motivin e asaj që falënderojmë Zotin dhe vendosmërinë për të luftuar diktaturën në çdo pozicion që ndodhemi.

Dhe ne në parlament i garantojmë qytetarët se do të jemi të pamposhtur në mbrojtje të interesave të tyre.

Ndaj dhe them se kjo është përgjigjja që duhet t’i japim ne. Dhe një gjë ua them miqve që mendojnë ndryshe, kjo është një betejë shumëplanëshe, edhe në planin ndërkombëtar, miqtë tanë, të cilët nuk mund të themi se nuk na kanë mbështetur, na kanë mbështetur, na kanë mbështetur paradhënie, kanë shkruar për zgjedhjet ato që dolën pa u zhvilluar, na besuan plotësisht.

Pra, koordinimi i kësaj beteje kërkon detyrimisht edhe mbështetjen te miqtë tanë, miqtë e demokracisë në Shqipëri, miqtë e votës së lirë në Europë dhe botë e kudo që janë”, ka bërë me dije Berisha./ CNA





Lajmet e fundit nga