web counter
LEXO PA REKLAMA!

SHKARKO APP

App Store
Google Play

E fundit!

x

"Shqipëria është autokraci"/ Xhaferri: Mes rreshtash e pranojnë edhe partnerët

9 Shtator 2025, 21:01, Politikë CNA

"Shqipëria është autokraci"/ Xhaferri: Mes rreshtash e

Deputeti i Partisë Demokratike, Besart Xhaferri në një intervistë në A2CNN deklaroi se vendi është në autokraci edhe për fajin e opozitës pasi në vitin 2019 dorëzuan Parlamentin me djegien e mandateve.

Xhaferri tha se opozita duhet të rrisë presionin për reformën territoriale dhe elektorale, aksioni do të jetë spontan dhe skandalet reagim serioz. Deputeti demokrat tha se Shqipëria është Republikë Kryeministrore.

 

“Në strategjinë makro që opozita duhet të bëjë është reformimi i situatës, Kushtetutës, shtetit. Ndodhemi për fajet tona që i dhamë parlamentin në 2019 dhe e çoi më tej autokracinë. Prej 2019 nuk jemi një republikë parlamentare, por kryeministrore. Parlamenti që duhet të ndalonte ekzekutivin nuk është prej 2019. Ne duhet të mobilizojmë një opozitë ndryshe, të bashkuar. Duhet një reformë elektorale, territoriale. Nuk do të ketë më dy tre grupe parlamentare. Do të bëjë komisionet, kërkesën për reformë. Këtë herë do të kthehet normaliteti në radhët e parlamentit, jashtë tij do të jenë aksionet opozitare që do të ndikohet nga spontaniteti dhe skandalet që do të kërkojnë reagim më serioz. PD mund të kërkojë interpelancë, reforma dhe në kushtet e sotme një autokrat nuk t’i japë. Ne duhet të rrisim presionin si nga faktori i brendshëm dhe nga ai i jashtëm”, tha Xhaferri.

 

Deputeti demokrat zbuloi detaje dhe nga takimi me përfaqësuesit e ambasadës së SHBA, për të cilët tha se nën rreshta e pranuan se Shqipëria tashmë është një autokraci.

 

“SHBA na pyeti se çfarë pritshmërie kemi nga jeta parlamentare dhe unë i thashë nuk ka. Sot Rama është dhe kryetar bashkie i gjithë Shqipëri. Iu thashë se është e nevojshme reforma territoriale, lista të hapura. Nuk folëm për lidershipin e opozitës. Partnerët e SHBA edhe pse nuk e pranonin në fjalë e pranuan në rreshta se Shqipëria është një autokraci”./CNA

 

 

 

 

 

 

 

 





Lajmet e fundit nga