web counter
LEXO PA REKLAMA!

SHKARKO APP

App Store
Google Play

E fundit!

x

"Nuk është variant mosfutja në Parlament"/ Berisha: Ftoj kryesinë të mos i njohë këto zgjedhje

10 Shtator 2025, 14:03, Politikë CNA

"Nuk është variant mosfutja në Parlament"/ Berisha:

Kryetari i Partisë Demokratike, Sali Berisha, në fjalën e tij të mbajtur sot, ka ftuar Kryesinë demokrate të mos i njohë zgjedhjet e 11 majit.

Kryedemokrati tha se njohja e zgjedhjeve do ta bënte PD-në bashkëfajtore në farsë.

Sa i përket debatit për të marrë apo jo pjesë në Parlament, Berisha deklaroi se nuk është zgjidhje braktisja e Parlamentit.

Kreu demokrat u shpreh se nuk duhet lënë asnjë hapësirë bosh nga e cila mund të luftojnë kundër Ramës.

Më tej, Berisha tha se për të mposhtur Ramën duhen angazhim dhe përkushtim shumë i madh si dhe forca të reja.

“Ftoj kryesinë të mos i njohë këto zgjedhje. Njohja do ta bënte PD-në bashkautore në një farsë. Duke kërkuar këtë nga Kryesia unë di se ka një debat, të marrim pjesë apo jo në Parlament. Mendoj se në këtë diktaturë ne nuk duhet të lëmë asnjë hapësirë bosh nga e cila të mos luftojmë kundër saj. Nëse ka një gjë themelore që kërkohet nga secili prej nesh, kërkohet qëndrim, si do të ndryshojmë ne në raport me narkodiktaturën që ka uzurpuar pushtetin. Kërkohet ndryshim para këtij mali të farsës elektorale. Beteja jonë kërkon energji të reja, forca të reja. Nuk është variant të mos futemi në Parlament. Mundësitë për ta luftuar janë. Kërkon një angazhim dhe përkushtim shumë të madh nga secili prej nesh. Kërkon shfrytëzim me të gjitha kapacitetet për t’u kthyer shqiptarëve votën e lirë. Me Edi Ramën nuk ka zgjedhje. Parlamentin do ta hapim me komision hetimor për zgjedhjet”, tha Berisha./ CNA





Lajmet e fundit nga