web counter
LEXO PA REKLAMA!

SHKARKO APP

App Store
Google Play

“Opozita do të hyjë në parlament”/ Boçi: Do kërkojmë komision hetimor për McGonigal

10 Shtator 2025, 18:55, Politikë CNA

“Opozita do të hyjë në parlament”/ Boçi: Do

Deputeti i PD-së Luçiano Boçi komentoi diskutimet e zhvilluara sot në mbledhjen e Kryesisë së PD-së.

I ftuar në A2Cnn, Boçi u shpreh se pati opinione të ndryshme duke nisur nga bojkoti në parlament, por u vendos që opozita të shkojë në parlament duke patur parasysh që në 2019 dështoi si skenar.

Sipas Boçit, në parlament bëhen beteja të forta dhe ruhet raporti ndërkombëtar dhe kishte dhe qëndrime për marrëdhënie të kushtëzuara me parlamentin.

Ai thekson se futja në parlament nuk të pengon të mos njohësh zgjedhjet.

Boçi tha se, opozitarizmi nis me ngritjen e komisioneve hetimore për zgjedhjet, McGonigal.

“Vendimi kryesor ishte hyrja në parlament, ishin përvijuar 2-3 opinione për mosfutjen në parlament dhe opinioni tjetër që argumenton që një largim nga parlamenti nuk sjell asgjë të mirë për opozitën. Në parlament bëhen beteja të forta dhe ruhet raporti ndërkombëtar dhe kishte dhe qëndrime për marrëdhënie të kushtëzuara me parlamentin.

Në PD respektohet mendimi i lirë. Po të dëgjosh argumentet e tyre edhe qëndrojnë. Bojkoti është provuar dhe PD e mori koston dhe solli dhe pasojë humbjen e zgjedhjeve të 2021. Me opozitën që ishte në atë kohë, Rama hoqi dhe koalicionet parazgjedhore dhe argumentet që thashë që humb besueshmërinë e ndërkombëtare, por jemi përballë një paragjykimi për mosnjohjen e zgjedhjeve dhe hyrja në kuvend. Futja në parlament nuk të pengon të mos njohësh zgjedhjet.

Ngjarjet në parlament kalojnë kufirin e Shqipërisë, ka vëmendje mediatike. Bazën e nisjes e ka caktuar kryetari. Opozitarizmi nis me ngritjen e komisioneve hetimore për zgjedhjet, McGonigal”, tha Boçi./ CNA





Lajmet e fundit nga