web counter
LEXO PA REKLAMA!

SHKARKO APP

App Store
Google Play

Aksioni opozitar do të vijojë në Parlament dhe jashtë tij/ Kur pritet të nisin protestat

10 Shtator 2025, 16:16, Politikë CNA

Aksioni opozitar do të vijojë në Parlament dhe jashtë tij/

Kryetari i Partisë Demokratike në përfundim të mbledhjes së Kryesisë në një deklaratë për mediat paralajmëroi protesta. Nuk zbuloi një afat por tha se do të nisin sa më shpejt. Për Berishën protestat janë mision për shpëtimin e Shqipërisë nga ajo që ai e quajti diktatura autoritare, e bazuar në drogë, krim dhe vjedhjen e shqiptarëve.

Lidhur me debatet nëse duhej të futeshin në Parlament ose jo të premten Berisha tha se pati vetëm sugjerime dhe se propozimi ishte i drejtë.

"Partia Demokratike është parti e fjalës, debatit dhe mendimit të lirë.
Të gjithë anëtarët dhe mbështetësit janë të ftuar të bëhen pjesë. Nuk ka një datë fikse, por askush nuk duhet të mendojë se partia nuk do t’i nënshtrohet një analize të thellë.

Askush nuk e kundërshtoi hyrjen në parlament pati vetëm sugjerime.
Propozimi i Salianjit ishte plotësisht i drejtë.

Revoltat dhe protestat do të nisin në kohën më të shpejtë të duhur, dhe unë i garantoj mbështetësit dhe mirëkuptoj gjendjen e tyre, por ata janë përpara një misioni të ri dhe të madh misionit të shpëtimit të Shqipërisë nga diktatura autoritare, e bazuar në drogë, krim dhe vjedhjen e shqiptarëve.

Partia Demokratike ka të gjitha fuqitë për të marrë vendime të arsyeshme, dhe ato do të jenë në përputhje me statutin e saj", tha kryedemokrati./CNA





Lajmet e fundit nga