web counter
LEXO PA REKLAMA!

SHKARKO APP

App Store
Google Play

Salianji mashtron publikisht/ Ishte pro djegies së mandateve

10 Shtator 2025, 19:39, Politikë CNA

Salianji mashtron publikisht/ Ishte pro djegies së mandateve

Sot ish-deputeti i Partisë Demokratike Ervin Salianji në një intervistë deklaroi se djegia e mandateve dhe mospjesëmarrja në zgjedhjet lokale ishin dy nga gabimet e PD-së, vendime për të cilat ai ka qenë kundër.

"Sigurisht që ka gabime. Gabimi më i madh, pa diskutim, ka qenë lënia e mandateve. Personalisht, kam qenë ndër të paktët që kam votuar kundër. Është e dokumentuar. Pra, përgjegjësi ka pasur shumë, dhe jo vetëm nga një person. Edhe Lulzim Basha ka përgjegjësi, por edhe të tjerë. Nuk përjashtohet as Sali Berisha, sepse secili, sipas peshës së ndikimit që ka pasur, mban një pjesë përgjegjësie. Fajet dhe përgjegjësitë duhen pranuar. Sepse nëse nuk bëjmë diagnozën e saktë, nuk mund të gjejmë zgjidhje. Duhet të pranojmë gabimet për të mos i përsëritur më”, u shpreh ai.

 

Salianji mashtron publikisht/ Ishte pro djegies së mandateve

E vërteta është ndryshe dhe mesa duket ish-deputeti harron se ekzistojnë arkivat dhe qëndrimet apo deklaratat mund të harrohen, por kurrsesi të fshihen.

Sipas raportimeve të vitit 2019 në mediat e miqve të tij, në mediat e Irfan Hysenbelliut, Salianji ka qenë më i zëshmi në mbështetjen e Lulzim Bashës për të djegur mandatet.

Salianji mashtron publikisht/ Ishte pro djegies së mandateve

“Personalisht kam kërkuar djegien e mandateve në mbledhjen e grupit parlamentar kohë më parë, uroj që grupi të marë vendimin e duhur pas propozimit të Bashës! Por pas shumë përpjekjesh dukej e vetmja rrugë, rruga e sakrificës! Prandaj kjo fundjavë do të mbahet mënd si fundjava ku qytetarët vendosën, fundjava e demokracisë”, deklaronte Salianji në vitin 2019.

Me skemat dhe veprimet e tij ka qenë nga të parët në kryesi që ka kërkuar djegien e mandateve dhe tani thotë që ishte gabim, duhet se ka dashur t’ia lërë faturën Lulzim Bashës./CNA

 





Lajmet e fundit nga