web counter
LEXO PA REKLAMA!

SHKARKO APP

App Store
Google Play

Rama vijon me lëvdatat/ E nis me negociatat, e vazhdon me turizmin

18 Dhjetor 2023, 13:38, Politikë CNA

Rama vijon me lëvdatat/ E nis me negociatat, e vazhdon me turizmin

Kryeministri Edi Rama vijon me propagandën e tij në këto ditë të fundit të vitit 2023. Mëngjesin e sotëm e nisi me lëvdata dhe komente pozitive për punën e bërë nga ana e grupit negociator për integrimin në Bashkimin Evropian. 

Por kreu i qeverisë nuk është ndaluar. Pak minuta më parë ka bërë një postim në rrjetin social "Facebook", ku ka publikuar shifrat e turizmit gjatë 2023. 

"Bilanci më pozitiv i shënuar ndonjëherë sa i përket numrit të turistëve, ku deri në nëntor të vitit 2023, numërojmë 9,54 milionë vizitorë të huaj, ndërsa dhjetori vazhdon të sjellë ende flukse mysafirësh nga të gjitha vendet e botës, që duan ta shijojnë Shqipërinë edhe në dimër. Përveç vizitorëve besnikë nga Kosova që zënë peshën kryesore të hyrjeve turistike, duke u rikthyer disa herë brenda vitit, italianët kanë qenë surpriza e këtij viti, me 872 mijë vizitorë, Mali i Zi, Spanja, Franca e Gjermania me rritje rekord, e po ashtu Shqipëria po vizitohet gjithnjë e më shumë nga turistë që vijnë nga Turqia, Kina, e vendet nordike", shprehet Rama në një postim në rrjetet sociale.

Rama mesa duket nuk do t'u japë vëmendje ngjarjeve të rëndësishme sot, si protesta e opozitës apo mbledhja e Këshillit të Mandateve ku po diskutohet për kërkesën e SPAK-ut ndaj Sali Berishës. 

Ndërkohë, kryesocialisti kërkon që të përcjellë mesazhet se puna e qeverisë së tij gjatë 2023 ka qenë e përkryer, por sigurisht ka edhe shumë për të bërë.

Kjo taktikë po ndiqet Rama këtë fundvit, ndoshta si një strategji e radhës./CNA

 

 





Lajmet e fundit nga