web counter
LEXO PA REKLAMA!

SHKARKO APP

App Store
Google Play

Rama, mesazh Kurtit/ “Shfrytëzo kohën, detyro Serbinë të pranojë planin franko-gjerman”

1 Korrik 2023, 11:32, Politikë CNA
Rama, mesazh Kurtit/ “Shfrytëzo kohën, detyro Serbinë
Kryeministri Edi Rama

Kreu i qeverisë, Edi Rama u shpreh se shqiptarët janë të parët që duhet të angazhohen në jetëzimin e planit franko-gjerman.

Ai shtoi se Kosova mund të shfrytëzojë këtë periudhë për të detyruar Serbinë të pranojë këtë plan.

Kjo pasi, sipas tij, pranimi nga Serbia i planit franko-gjerman do të thotë hapje përfundimtare e rrugës së të ardhmes për një Kosovë të njohur nga të gjithë.

“Unë i kam thënë opinionet e mia dhe ajo që shumëkush ndër ata që komentojnë duke iu hakërryer apo duke iu ankuar apo duke iu shprehur ndjenja negative miqve, partnerëve, aleatëve tanë është se ndërkohë që flasim, ndryshe nga të gjitha herët e tjera në të shkuarën, Kosova ka në tryezë ofertën më të mirë të mundshme për të ardhmen e saj.

Ka në tryezë planin franko-gjerman, që është Kosova në radhë të parë dhe jemi ne shqiptarët të parët të interesuarit që duhet ta shtyjmë përpara deri në fund duke këmbëngulur për tryezën, duke këmbëngulur për të shfrytëzuar këtë potencial të madh, të aleancës dhe të miqësisë me bashkësinë euroatlantike për ta detyruar Serbinë që ta pranojë planin franko-gjerman, që do të thotë praktikisht hapja përfundimtare e rrugës së të ardhmes për një Kosovë të njohur nga të gjithë dhe të ulur në ulësen e vet në Kombet e Bashkuara. Nëse harrojmë këtë atëherë hyjmë në një pyll pa spat kur i thonë dhe nuk kuptojmë më se për çfarë flasim”, tha Rama./ CNA.al





Lajmet e fundit nga