web counter
LEXO PA REKLAMA!

SHKARKO APP

App Store
Google Play

E fundit!

x

Rama paralajmëron muxhahedinët/ “Nëse duan luftë, të largohen nga Shqipëria”

30 Qershor 2023, 19:47, Politikë CNA

Rama paralajmëron muxhahedinët/ “Nëse duan luftë,

Kryeministri Edi Rama ka reaguar për aksionin e Policisë së Shtetit në kampin e muxhahedinëve me urdhër të GJKKO-së, në 20 qershor.

Në një intervistë për median gjermane “Der Spiegel”, Rama tha se muxhahedinët nuk mund ta përdorin Shqipërinë për të luftuar kundër regjimit iranian.

“MEK-un e kemi prej disa vitesh në vendin tonë. Ata janë të mirëpritur, por me kusht që mos ta përdorin Shqipërinë si një platformë për operacionet e tyre politike. Mysafirët tanë iranianë e kanë shkelur vazhdimisht këtë marrëveshje.

Shqipëria nuk ka synim të jetë në luftë me regjimin iranian. Shqipëria nuk pranon askënd që ka abuzuar me mikpritjen tone”, u shpreh ai.

I pyetur se përse pranoi ardhjen e muxhahedinëve në Shqipëri në vitin 2016, kreu i qeverisë deklaroi:

“Ishte një operacion jetëshpëtues. Ne hapëm dyert tona sepse grupi, që atëherë vepronte nga Iraku u ndoq sistematikisht. Dhe nëse një mik si SHBA-ja na kërkon diçka, ne ndihemi të nderuar”.

Ai theksoi se anëtarët e MEK-ut e kanë shkelur këtë marrëveshje dhe paralajmëroi se do t’i largojë nëse vazhdojnë të abuzojnë me mikpritjen.

“E kuptojmë inatin kundër regjimit në vendin e tyre. Por vendi ynë të përdoret si llogore në një luftë që nuk është e jona, nuk funksionon! Sigurisht që ata kanë çdo të drejtë të luftojnë për lirinë e tyre, por për ta bërë këtë duhet të largohen nga Shqipëria”, nënvizoi Rama./ CNA.al

Rama paralajmëron muxhahedinët/ “Nëse duan luftë,





Lajmet e fundit nga