web counter
LEXO PA REKLAMA!

SHKARKO APP

App Store
Google Play

Rama harron hajdutët në qeveri: Korrupsionin e kemi kthyer në një breshkë

7 Maj 2024, 10:09, Politikë CNA
Rama harron hajdutët në qeveri: Korrupsionin e kemi kthyer në
Edi Rama

Të gjithë e dimë që gjatë qeverisjes së kryeministrit Edi Rama ka pasur shumë ministra, deputetë apo kryetarë bashkish që janë kapur me korrupsion. 

Por Rama, në mbledhjen e Grupit Parlamentar ku janë të pranishëm edhe ministrat e kabinetit, bëri deklarata sikur të mos ketë ndodhur asgjë dhe se kabienti i tij nuk është i përfshirë në aferat korruptive. 

Ai tha se gjatë qeverisjes së tij synim është që makinën e korrupsionit ta kthejnë në ritimin e një breshke. 

"Në këto 10 vite kemi bërë kushtet për në drejtimin e duhur. Kemi pasur synim që makinën e korrupsionit ta kthejmë në breshkë. Korrupsioni është një sistem paralel, kancerogjen, që ushqehet me dobësitë e sistemit", u shpreh Rama. 

Ai shtoi se PS-ja është prej një dekade në luftë për ta bërë Shqipërinë një shtet real dhe të respektuar botërisht, ku mirëqeverisja dhe sundimi i ligjit të arrijë në nivelin e një vendi të BE-së. Pra, Rama nuk tregon realitetin. 

"Askush më parë, asnjë forcë me peshë që prej shkëputjes së Shqipërisë nga perandoria otomane, nuk i ka hyrë detit në këmbë për ta pavarësuar drejtësinë nga pushteti politik. Askush dhe asnjë. Asnjëherë, askush që ka qenë pjesë përbërëse e pushtetit nuk është hetuar dhe gjykuar nga një drejtësi e pavarur siç po ndodh sot. Krenarinë për ardhjen e kësaj dite, vetëm falë luftës vendimtare për Shqipërinë që ne kemi hapur, nuk na  e mohon dhe nuk na e merr dot askush. Pa forcën udhëheqëse, guximin dhe vendosmërinë e PS-së në 10 vite, sot nuk do kishte rilindur besimi i shqiptarëve te drejtësia. Nuk do ta shihnim rrëzimin e monumentit më të shëmtuar të trashëgimisë sonë, monumentin e kulturës së pandëshkueshmërisë", tha Rama./CNA 





Lajmet e fundit nga