web counter
LEXO PA REKLAMA!

SHKARKO APP

App Store
Google Play

E fundit!

x

Rama anuloi mbledhjen e përbashkët/ Vjen reagimi i parë zyrtar nga Qeveria e Kosovës

13 Qershor 2023, 21:49, Politikë CNA
Rama anuloi mbledhjen e përbashkët/ Vjen reagimi i parë zyrtar
Foto ilustruese

Kryeministri Edi Rama, me anë të një konference për mediat, njoftoi anulimin e mbledhjes së përbashkët mes qeverive të Shqipërisë dhe të Kosovës.

Pak minuta më parë për anulimin e mbledhjes ka reaguar zëdhënësi i Qeverisë së Kosovës, Përparim Kryeziu.

Ai tha për mediat në Kosovë se është hera e parë që një mbledhje e përbashkët anulohet në mënyrë të njëanshme.

Kryeziu theksoi se bashkë me mbledhjen, Rama anuloi mundësinë për nënshkrimin e 13 marrëveshjeve mes dy vendeve.

“Mbledhjet e përbashkëta janë ndërmarrje të mëdha organizative, të cilave u paraprinë një punë e madhe e ministrive për të përgatitur atë ditë.

Nesër do të duhej të nënshkrueshin 13 marrëveshje të reja. Ato kishin synim t’i afronin ekonomitë tona, sistemet tona të drejtësisë, arsimit, kulturës, etj. Janë qytetarët ata që do humbasin më së shumti.

Për fat të keq, anulimi i mbledhjes nga ana e kryeministrit Rama anuloi mundësinë për t’i nënshkruar ato.

Takimet bilaterale do të mund të mbaheshin çdo ditë tjetër. Jemi fare afër njëri-tjetrit si vende. Nuk do të ishte hera parë që do të takoheshim brenda ditës. Por është hera parë që një mbledhje e përbashkët anulohet në mënyrë të njëanshme", deklaroi ai./ CNA.al





Lajmet e fundit nga