web counter
LEXO PA REKLAMA!

SHKARKO APP

App Store
Google Play

E fundit!

x

Organizimi i protestës/ Berisha dhe Kryemadhi do të flasin të fundit

7 Korrik 2022, 18:05, Politikë CNA

Organizimi i protestës/ Berisha dhe Kryemadhi do të flasin të

Partia Demokratike ka ditë që ka nisur përgatitjet për protestën që do të mbahet sot në orën 19:00. Kur ka mbetur më pak se një orë nga fillimi i protestës, situata në Partinë Demokratike paraqitet e qetë. Tashmë pritet ora 19:00 për të parë se si do të shkojë e gjithë protesta dhe për të kuptuar se sa ka funksionuar organizimi i partisë.

Protesta pritet të jetë masive dhe se kryetari i Partisë Demokratike, Sali Berisha, është personi, i cili do të flasë i fundit. 

Para tij, do të mbajë fjalën kryetarja e Lëvizjes Socialiste për Integrim, Monika Kryemadhi.

Gjithashtu mësohet se në total do të jenë 20 folës, prej tyre 4 janë deputetë, ndërsa të tjerë aktivistë të shoqërisë civile dhe personazhë publikë që i janë bashkuar thirrjes së Berishës për të marrë pjesë në protestën e sotme.

Berisha, së bashku me disa të rinj, do të nisen nga selia e Partisë Demokratike për t’iu bashkuar protestuesve në bulevard.

Mbi 1000 efektivë të policisë do të jenë të angazhuar në terren mes të cilëve forca të rendit, të Ndërhyrjes së Shpejtë, repartit Shqiponja dhe punonjës të Gardës./CNA.al





Lajmet e fundit nga