web counter
LEXO PA REKLAMA!

SHKARKO APP

App Store
Google Play

Protesta e opozitës/ Qindra qytetarë nga rrethet nisen drejt Tiranës

7 Korrik 2022, 17:36, Politikë CNA
Protesta e opozitës/ Qindra qytetarë nga rrethet nisen drejt
Foto ilustruese

Protestës së sotme në Tiranë, të organizuar nga Partia Demokratike, pritet t'i bashkohen qindra qytetarë të ardhur edhe nga rrethet.

Mësohet se vetëm nga qyteti i Kukësit dhe zonat përreth janë nisur rreth 2000 anëtarë të PD-së, simpatizantë dhe qytetarë me autobus dhe makina private, ndërsa nga Hasi janë 800 demokratë që kanë udhëtuar me makinat e tyre në drejtim të Tiranës edhe afro 1200 mbështetës janë nisur nga Tropoja për të protestuar në Tiranë.

Mësohet se rreth 2500 protestues nga Durrësi pritet t’i bashkohen protestës pasditen e sotme në orën 19:00 në Tiranë të thirrur nga opozita dhe Shoqëria Civile.

Gjithashtu për protestën e sotme janë nisur nga Qarku i Korçës mbi 1200 anëtarë dhe qytetarë.

Nga Pogradeci janë nisur rreth 300 persona, nga Korça mbi 580 persona, nga Maliqi mbi 300 anëtarë e qytetarë ndersa numrin më të vogël të pjesëmarrësve e ka Kolonja, rreth 30 vetë. 

Kësaj proteste pritet t'i bashkohen mijëra demokratë beratas, të cilët janë nisur pasditen e sotme drejt Tiranës, për t'ju bashkuar protestës së thirrur nga opozita.

Organizimi dhe grumbullimi i demokratëve në të gjithë qarkun e Beratit është bërë nga të gjitha strukturat e degëve të Partisë Demokratike në qytetet: Berat, Kuçovë, Dimal, Skrapar e Poliçan.

Protestuesit janë nisur drejt Tiranës me mjete private, ku vetëm nga dega e PD-së Berat janë nisur 120 automjete të konfirmuara nga strukturat.

Në rang qarku, drejt protestës në Tiranë janë nisur rreth 1350 protestues nga Berati, 350 nga Kuçova, 260 nga Dimali, 220 nga Poliçani dhe 120 nga Skrapari.

Kryetari i degës së PD-së Berat, Shyqo Dura, duke shpjeguar mënyrën e organizimit të demokratëve drejt protestës në Tiranë, ka theksuar se përveç demokratëve dhe simpatizantëve të PD-së protestës do t'i bashkohen edhe qindra qytetarë beratas që nuk kanë lidhje me partitë politike, por që janë të indinjuar nga keqqeverisja./CNA.al





Lajmet e fundit nga