web counter
LEXO PA REKLAMA!

SHKARKO APP

App Store
Google Play

E fundit!

x

Pak orë para protestës/ Këlliçi, thirrje qytetarëve: Mos u trembni nga blindat

7 Korrik 2022, 15:48, Politikë CNA
Pak orë para protestës/ Këlliçi, thirrje qytetarëve:
Anëtari i Kryesisë së Partisë Demokratike, Belind Këlliçi

Pak orë para protestës, anëtari i Kryesisë së Partisë Demokratike, Belind Këlliçi, ka bërë një thirrje për të gjithë qytetarët.

Këlliçi u kërkoi qytetarëve të mos tremben nga blindat dhe nga skenarët 'fake' të qeverisë, por të bashkohen në sheshin para Kryeministrisë.

Ai theksoi se protesta e sotme do të dëshmojë se opozita e këtij vendi ekziston, se ajo është e bashkuar me shoqërinë dhe se është gati për të mbrojtur interesat e qytetarit.

“Qytetarë nga e gjithë Shqipëria, nga veriu në jug, na kanë dërguar sot mesazhe, duke na siguruar për masivitetin e protestës. Informacionet tona në rrugë partiake dhe jopartiake, na bëjnë me dije se administrata e Edi Ramës është vënë në lëvizje për të penguar valën e madhe shoqërore që do të zbresë sot në Tiranë.

Mësuesit janë urdhëruar të jenë në punë, edhe pse sezoni shkollor ka mbaruar. Aktorëve u janë shpikur prova në Teatër, në mënyrë që zëri i tyre të mos gjëmojë në protestën e Frontit për Shpëtimin Kombëtar; dyert e kryeministrisë janë blinduar. As demokratët dhe as shoqërinë, nuk i ndal asnjë blindë, siç është provuar nga vitet ‘90 e këtej.

Partia Demokratike u bën thirrje qytetarëve të mos tremben nga skenarët 'fake' të qeverisë dhe as nga blindat. Ne dalim sot për të dëshmuar se opozita e këtij vendi ekziston, se ajo është e bashkuar me shoqërinë, se ajo është gati për të mbrojtur interesat e qytetarit. Opozitës së kapur nga pushteti i ka ardhur fundi.

U bëjmë thirrje shqiptarëve, fermerëve, mësuesve, profesionistëve, të rinjve, të papunëve, të na bashkohen sot para Kryeministrisë. Nëse nuk pastroni para, por mezi u dalin paratë për fundin e muajit, është koha të ngrihemi. Nëse nafta, ushqimet e shportës, taksat, janë bërë të papërballueshme është koha të ngrihemi.

Nëse kthen kokën dhe sheh se një familjar apo mik të mungon, se ta ka marrë emigrimi, është koha të ngrihemi. Le t’ia themi dy fjalë sonte njeriut që ka nëntë vite që nuk na dëgjon. Të bashkuar, për Shqipërinë në rrezik, sonte ora 19.00!”, theksoi ai./ B.A. – CNA.al





Lajmet e fundit nga