web counter
LEXO PA REKLAMA!

SHKARKO APP

App Store
Google Play

E fundit!

x

Pikat e forta dhe të dobëta të PD-së/ Zhupa: Kemi besimin e qytetarëve por duhet të bashkohemi

25 Shtator 2024, 18:13, Politikë CNA

Shqiptarët në pranverën e vitit 2025 do të votojnë për të zgjedhur përfaqësuesit e tyre politik në parlament.

Aktualisht partitë politike kanë nisur organizimin e brendshëm, ku dy forcat më të mëdha ajo demokratike dhe ajo socialiste kanë vendosur dhe kanë bërë publik emrat e drejtuesve politik të qarqeve.

PD vjen më e konsoliduar sot por duket se ende nuk ka kaluar situatën përçarëse të krijuar disa vite më parë. Në një intervistë për CNA TV, deputetja e PD-së, Ina Zhupa nënvizoi pikat e forta të PD dhe ato që duhen përmirësuar, ku më kryesorja mbetet bashkimi i plotë.

“Partia Demokratike ka pikat e veta të forta dhe të dobëta në këtë fushatë elektorale që pritet të zhvillohet për zgjedhjet e viti 2025. Element shumë i rëndësishëm është fakti që opozita po përballet me burgosjen politike të lideritë të saj, kreu të PD, zotit Sali Berisha, që është një goditje për fushatën nëse do të vijoj të mbahet në izolim. Nga ana tjetër PD, ka pikën me të fortë besimin e qytetarëve dhe një program që i përgjigjet nevojave të qytetarëve shqiptarë.

Ajo që duhet të bëjmë dhe hyn në elementët që duhet të përmirësojmë lidhet me faktin që ende kemi në degë të caktuara në Shqipëri, problematika që lidhen me bashkimin e plotë pas situatës që ndodhi në PD. Dua të nënvizojë që ne kemi qëndruar të palidhur me krimin e organizuar, apo forma të tjera për blerjen e votave apo manipulimit të zgjedhjeve dhe kjo është një tjetër pikë e fortë dhe nuk do të ndryshojmë për hir të sistetimit që ka krijuar Edi Rama”, tha Zhupa për CNA TV.  

Për Zhupën, krijimi i partive politike paralele të lindura nga deputetë të zgjedhur nga vota e djathtë, nuk i shërben opozitës, por mund t’i çojë ujë mullirit të Edi Ramës.

"Duhet të arrijmë në një moment që secila nga këto lëvizje politike që burojnë nga PD dhe që kanë mundësinë të bashkohen me 99% të ideve të PD, të mund të inkorporohen pasi e kanë mundësinë, qoftë në koalicion qoftë në fraksionet që lejon statute i PD. Nuk e kuptoj tendencën për të fragmentarizuar votën opozitare sepse në fakt i bën shërbim Edi Ramës edhe pse tendeca e tyre mund të mos jetë kjo, por veprimi i çon ujë “mullirit” të Ramës.  Ndryshe nga sa ishte në vitin 2021, sot është mundësia të inkorporohen në PD. Është një rrezik i madh që ata po vënë në dyshim pozitat e tyre si opozitë dhe gjithashtu në dyshim edhe në elektorat nëse qëllimi i tyre i vërtetë është opozita apo thejsht t’i japin pak oksigjen qeverisë. Duhet të gjejnë rrugën për t’u akumuluar të gjitha energjitë brenda PD-së”, u shpreh deputetja e PD për CNA.

Sa i përket zhvillimit të primareve në PD, Zhupa tha se kjo është e sanksionuar e në statut dhe se është një proces që shërben në prodhimin e kandidatëve më të mirë për deputet dhe në bashkimin e PD./ CNA





Lajmet e fundit nga