web counter
LEXO PA REKLAMA!

SHKARKO APP

App Store
Google Play

PD, takim me emigrantët në Londër/ Garo: Rama e ka kthyer vendin mallkim për shqiptarët

17 Nëntor 2024, 17:01, Politikë CNA

PD, takim me emigrantët në Londër/ Garo: Rama e ka kthyer vendin

Partia Demokratike zhvilloi këtë të diel një takim me shqiptarë dhe aktivistë të diasporës në Londër.

Floriana Garo, anëtarja e Kryesisë së PD-së, tha se Shqipëria është kthyer në një parajsë për të huajt dhe vizitorët dhe një mallkim për shqiptarët.

Ajo deklaroi se pavarësisht propagandës, keq-qeverisja e Edi Ramës këto 11 vite ka larguar mbi 1 milion shqiptarë.

“Ne jemi të djathtë, me besim në familje, në Zot e në komb. Të gjithë jemi shqiptarë e të gjithë duam më të mirën për Shqipërinë tonë. Jam e bindur se ju jeni integruar më së miri e se Britania e Madhe ju ka dhënë plot mundësi për të cilat ndiheni mirënjohës, por të gjithë në një mënyrë ose në një tjetër, mendojmë si të kontribuojmë për Shqipërinë tonë.

Një vend me pasuri natyrore përrallore, me tradita e kulture, me kulinari të jashtëzakonshme, me gjallëri dhe jetë. Shqipëria jonë e zemrës që në 10 vitet e fundit është kthyer në një parajsë për të huajt dhe vizitorët e një mallkim për shqiptarët.

Pavarësisht fasadave dhe propagandës, keq-qeverisja e Edi Ramës këto 11 vite ka larguar mbi 1 milion shqiptarë.

Më parë largoheshin të rinj, tani po ikin shtresa e mesme dhe familje të tëra.

Një jetë dinjitoze nuk është e mundur për ta…

Ju e ndjeni këtë ndryshim, ju e dini sa e vështirë është jetesa në Shqipëri pa të ardhura, pa mundësi, e pa punë. Një pjesë e juaja jam e bindur që janë larguar pikërisht nga kjo pamundësi e pasiguri për të ardhmen. Ndryshe kush do donte t’i linte pas familjarët e të dashurit e zemrës? Kujt nuk i mungon dielli, ushqimi dhe deti i mrekullueshëm i Shqipërisë?

Jam e bindur se një pjese prej jush mendon të kthehet një ditë… një dite kur Shqipëria të ofrojë çdo shpresë dhe mundësi për një të ardhme më të mirë.

Pikërisht këtë synojmë ne të arrijmë si Parti Demokratike. Me përkrahjen tuaj e besimin tuaj të vijmë në pushtet e t’i sigurojmë një jetesë dinjitoze shtetasve tanë”, theksoi anëtarja e Kryesisë së PD-së./ CNA





Lajmet e fundit nga