web counter
LEXO PA REKLAMA!

SHKARKO APP

App Store
Google Play

Paratë publike përmes tenderave/ Si po përfitojnë vëllezërit e deputetëve socialistë

28 Qershor 2022, 15:05, Politikë CNA
Paratë publike përmes tenderave/ Si po përfitojnë
Selia e PS

Deputetja e PD Grida Duma ka hedhur akuza të forta në drejtim të qeverisë.

Në një intervistë, teksa ka folur ër debatin që ndodhi në Komisionin e Mirëqenies Sociale, Duma tha se qeveria po favorizon 8 kompani me rekorde kriminale.

Sipas saj, favorizimi i personave të veçantë po vjen përmes aktit normativ që parashikon një paketë ndihmash në kuadër të rritjes së çmimeve të materialeve të ndërtimit dhe që në total mund të përfshijë rreth 300 kompani.

Deputetja e PD gjithashtu hodhi akuza në drejtim të qeverisë duke nënvizuar se vëllezër të deputetëve socialistë janë duke përfituar nga paratë publike, duke marrë tenderë të ndryshëm.

“Akti normativ mund ti drejtohet dhe Gjykatës Kushtetuese se ka probleme të procedurës dhe prapa veprimit. Ai akoma nuk është deklaruar në Parlament dhe i ka nisur efektet. Ata kanë filluar ta disbursojnë të dhënit para, sepse Parlamenti është noter për ta. Se do shkojë apo jo në gjykatë Kushtetuese do të jetë një moment i dytë. Kë të çojmë ne në gjykatë? Sipas të dhënave së paku 8 kompani janë nën hetim nga prokuroria. Ça do çojmë ne në gjykatë. Qeveria nuk mund t’i japë tendera kompanive që janë nën hetim. Eksperti Zef Preçi ka përmendur kompaninë Alesio14, qe e ka pronarin të inkriminuar dhe merr tenderë. Kush është ai shqiptar që nuk e kupton se eksponentë të lartë dhe vëllezër të deputetëve të Partisë Socialiste marrin tendera pa garë. Fakti tregon se nëse në atë listë kanë hyrë në mënyrë abuzive kompani që kanë pronarë me rekorde kriminale, na lënë ne të drejtën e të menduarit se janë favorizuar disa të tjerë. Se fillon një rrugë me 20 dhe mbyllet me 50”, tha Duma./CNA.al





Lajmet e fundit nga